बीड : महिला, मुली, अल्पवयीन मुलींचा मुले, पुरुषांकडून विनयभंगाच्या घटना नेहमी पोलिस दफ्तरी नोंदल्या जातात. पण, अंबाजोगाईत (Ambajogai) एका तरुणीचा दोन महिलांनी विनयभंग केल्याची घटना पोलिस दफ्तरी नोंद झाली आहे. यावरुन एका पुरुषासह महिलांवर गुन्हा नोंद झाला आहे. जिल्ह्यात अशा प्रकारची घटना घडण्याची वा समोर येण्याची ही पहिलीच वेळ असावी. अंबाजोगाई शहरातील दोन महिलांनी एका मुलाच्या मदतीने ३० वर्षीय तरुणीचा विनयभंग केल्याची फिर्याद पोलिस ठाण्यात दाखल झाली आहे. एका (Beed Crime) मुलाला घेऊन दोन महिला तरुणीच्या घरी गेल्या. वाईट हेतूने तिचा हात धरला आणि तिला मिठी मारून विनयभंग केला. (Beed Crime Two Women Molested Man In Ambajogai)

त्यानंतर महिलांनी त्या तरुणीला शिवीगाळ करत जीवे मारण्याची धमकीही दिली. शनिवारी (ता. ११) सकाळी ही घटना घडली. या प्रकरणी पीडित तरुणीच्या फिर्यादीवरून बबलू बाळू घाडगे, आशा बाळू घाडगे आणि वैशाली श्याम काळम (सर्व राहणार लाल नगर, अंबाजोगाई) यांच्याविरुद्ध अंबाजोगाई शहर पोलीस ठाण्यात (Ambajogai Police Station) गुन्हा दाखल करण्यात आला आहे.