माजलगाव (जि. बीड) : कोविडच्या लसीकरणाचा (Covid Vaccination) टक्का वाढविण्यासाठी व्हॅक्सिनेशन रविवार मोहिम जिल्हाभर राबविणार असल्याचे जिल्हाधिकारी राधाबिनोद शर्मा (Beed District Collector Radhabinod Sharma) यांनी सांगितले. येथील परभणी टी पॉईंटवर व्हॅक्सिनेशन कॅम्पला आज रविवारी (ता.२८) जिल्हाधिकाऱ्यांनी भेट दिली. मागील पंधरा दिवसांपासून लसीकरणाचा टक्का वाढविण्यासाठी आरोग्य विभाग वेगवेगळ्या उपाययोजना राबवित आहे. डॉ. सुरेश साबळे यांनी नो व्हॅक्सीन नो एंट्री ही मोहिम राबविली होती. त्याला चांगलाच प्रतिसाद मिळाल्याने तालुक्यातील (Majalgaon) लसीकरणाचा टक्का चांगलाचा वाढला. आता लसीकरण वाढले पाहिजे. या करिता व्हॅक्सेशन चेकपोस्ट ही संकल्पना राबवली जात असुन येथील परभणी टी पॉईंटपासुन आज रविवारी सुरूवात झाली. (Beed)

सकाळी अकरा वाजता जिल्हाधिकारी शर्मा यांनी भेट देऊन जिल्हाभरात व्हॅक्सिनेशन रविवार मोहिम राबविणार असल्याचे सांगितले. संपूर्ण लसीकरण कण्यासाठी शासन वेगवेगळे उपाय राबवत आहेत. नागरिकांनी देखील लसीकरणासाठी पुढे यावे असे आवाहन आरोग्य विभागाच्या वतीने करण्यात आले आहे. यावेळी उपविभागीय अधिकारी निलम बाफना, तालुका आरोग्य अधिकारी डॉ. मधुकर घुबडे, मुख्याधिकारी विशाल भोसले, वैद्यकीय अधीक्षक डॉ. बडे, डॉ. प्रविण वारकरी, डॉ. गजानन रूद्रवार, डॉ. दत्तात्रय पारगांवकर, डॉ. ठाकुर यांच्यासह आरोग्य पथक सकाळी सात वाजल्यापासुन लसीकरणासाठी उपस्थित आहेत.