केज (जि. बीड) - शहरातील एका तरुणीच्या घरात घुसून दोघांनी तरुणीच्या पायावर धारदार कोयत्याने वार करत जखमी केले आहे. या मारहाणीत तरुणीच्या दोन्ही पायांना गंभीर इजा झाल्याची घटना फुलेनगर भागात मंगळवारी रात्री घडली आहे. याप्रकरणी पीडिता उपचार घेत असताना पोलिसांना दिलेला जबाब व रुग्णालयातून आलेल्या वैद्यकीय अहवालानुसार शुक्रवारी (ता. १) रोजी दोघाजणांविरोधात पोलिसांत गुन्हा दाखल झाला आहे.
शहरातील फुलेनगर येथील निकिता मोहनराव काळे (वय २०) ही तरुणी कला मंडळात नृत्य करून आपली उपजीविका भागवते. ही तरुणी मंगळवारी मावशीच्या घरी असताना दोघेजण घरात घुसले. तिने यापुढे नाचायला जाऊ नये म्हणून दोन्ही पायावर धारदार कोयत्याने वार करून जखमी केले. या मारहाणीत तरुणीच्या दोन्ही पायांना गंभीर इजा झाली आहे.
या घटनेने शहरात एकच खळबळ उडाली होती. त्यानंतर जखमी अवस्थेत त्या तरुणीला उपचारासाठी रुग्णालयात दाखल करण्यात आले. उपचारादरम्यान तिने पोलिसांना दिलेल्या जबाबावरून केज पोलिस ठाण्यात आकाश बाजीराव चाळक व एका अज्ञात व्यक्तीच्या विरोधात पोलिसांत गुन्हा नोंद करण्यात आला. या घटनेचा पुढील तपास सहायक पोलिस निरीक्षक मिसळे हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.