भोकरदन जि. जालना - जैन समाजाचा पर्युषण पर्व हा सर्वात महत्वाचा पर्व मानल्या जातो पर्युषण पर्व साजरे करण्यामागचा मुख्य उद्देश्य म्हणजे आत्मा शुद्ध करण्यासाठी‍ विविध सात्विक उपायांवर ध्यान केंद्रीत करणे होय. पर्युषण पर्वादरम्यान पूजा, अर्चना, आरती, समागम, त्याग, तपस्या, उपवास यात जास्तीत जास्त वेळ घालवला जातो.

भोकरदन तालुक्यात या वर्षी पाऊस कमी झाल्याने पिण्याच्या पाण्याची समस्या वाढली आहे, मुक्या प्राण्याची अवस्था गंभीर आहे. शेतकरी पावसामुळे हवालदिल झाला आहे. पिके सुकली असून अशा परिस्थितीत आत्महत्या वाढल्या आहे या समस्या पाहता भोकरदन वर दुष्काळ पडू नये तसेच या दहा दिवसात केलेली भक्तीची सांगता चांगली होवो, या उद्देशाने नमोकार मंत्र हा जैन समाजाचा सर्वात पवित्र व मुळ मंत्र आहे. या मंत्राचा जैन समाजातर्फे एक तासाचा जप श्री १००८ शांतीनाथ दिगंबर जैन मंदिर येथे करुन वरुणराजा भोकरदन तालुक्यावर प्रसन्न होवो ही प्रार्थना या जप च्या माध्यमातून करुन देवाला साकडे घातले. यावेळी महिला व पुरुष यांची लक्षणीय उपस्थिती होती.