हिंगोली : जिल्ह्यात रविवारी (ता.नऊ) नव्याने पंचवीस रुग्ण आढळून आले आहेत तर सोळा रुग्ण बरे झाल्याने त्यांना डिस्चार्ज देण्यात आल्याची माहिती जिल्हा शल्यचिकित्सक डॉ. किशोर प्रसाद श्रीवास यांनी दिली. 

जिल्ह्यात नव्याने पंचवीस रूग्ण आढळले आहेत. यापैकी तीन हे रॅपीड अँन्टीजन टेस्टद्वारे व २२ रूग्ण आरटीपीसीआर टेस्टद्वारे आढळुन आले. तर सोळा रुग्ण बरे झाल्याने त्यांना सुट्टी देण्यात आली आहे. आजपर्यंत जिल्ह्यात ८४० रुग्ण झाले आहेत. त्यापैकी ६२२ रुग्ण बरे झाल्याने त्यांना सुट्टी देण्यात आली. आजघडीला एकूण २०९ रुग्णांवर उपचार चालू आहेत आणि आतापर्यंत नऊ रुग्णांचा मृत्यु झाला आहे.

हेही वाचा - नाकतोडा खातोय ऊस ! वाचा काय आहे हा प्रकार -

वसमतला आजपासून रॅपिड अँटीजेन टेस्ट 
वसमत ः जिल्हाधिकाऱ्यांच्या आदेशानुसार वसमत येथे रॅपिड अँटीजेन टेस्ट करण्याच्या मोहिमेस सुरवात होणार असून सोमवारी (ता.दहा) दूधडेअरी मालक-चालक, कामगारांची तर मंगळवार (ता.११) कृषी सेवा केंद्र, फर्टिलायझर्स मालक-चालक कामगारांची तपासणी होणार असल्याची माहिती उपविभागीय अधिकारी प्रवीण फुलारी यांनी दिली.

हेही वाचा - नांदेड : मुखेड येथील दशरथेश्‍वर मंदीराचे शिल्प वैभव ऐतिहासीक ठेवा

उपजिल्हा रुग्णालय वसमत येथे होणार टेस्ट
कोरोनाचा प्रादुर्भाव रोखण्याकरिता हिंगोली जिल्ह्याच्या ग्रामीण व शहरी भागात १४ दिवस संचारबंदी लागू केली आहे. या कालावधीत वसमत शहर व नजीकच्या सर्व दूधडेअरी मालक-चालक, कामगारांची सोमवारी तर मंगळवारी कृषी सेवा केंद्र, फर्टिलायझर्स कृषी सेवा केंद्र मालक-चालक कामगारांची रॅपिड अँटीजेन टेस्ट करण्याबाबत नियोजन केले आहे. ही टेस्ट करण्यासाठी प्रभारी वैद्यकीय अधीक्षक डॉ. सनाउल्ला खानसह विविध विभाग यांना जबाबदारी नेमून देण्यात आली आहे. टेस्ट करण्यासाठी सकाळी दहा वाजता नावनोंदणी केली जाणार आहे आणि अकरा वाजता उपजिल्हा रुग्णालय वसमत येथे टेस्ट प्रकियेस सुरवात होणार आहे. जे व्यापारी व नमूद व्यावसायिक रॕपिड अँटीजेन टेस्ट करून घेणार नाहीत त्यांची आस्थापने, दुकाने उघडण्यास पुढे अडचणी येणार असून व्यापाऱ्यांनी स्वयंस्फूर्तीने रॅपिड अँटीजेन टेस्ट करून घेऊन प्रशासनास सहकार्य करावे, असे आवाहन उपविभागीय अधिकारी प्रवीण फुलारी यांनी केले आहे.  

हिंगोली जिल्हा  
एकूण बाधित - ८४०
एकूण बरे - ६२२
उपचार सुरु असलेले - २०९
एकूण मृत्यु - ०९
आजचे बाधित - २५
आजचे मृत्यु - शुन्य

संपादन ः राजन मंगरुळकर