जालना -  जिल्ह्याला गुरुवारी (ता.२८) तीस नवीन कोरोना बाधित रुग्णाची भर पडल्याने जिल्ह्याला मोठा धक्का बसला असून त्यामुळे एकुण बाधित रुग्णांचा संख्या ११५ पोचली आहे.  आतापर्यंत २५ रुग्ण बरे झाल्याने सध्या रुग्णालयात ९० रुग्णांवर उपचार सुरू आहेत.

जिल्ह्यातील विविध भागातील ३० व्यक्तीचा अहवाल गुरुवारी कोरोना पॉझिटिव्ह आला. त्यामुळे कोरोना बधितांचा आकडा ८५ वरून थेट ११५ वर पोहचला. जिल्ह्यात गेल्या आठवड्यापासून कोरोना बाधित रुग्णामध्ये सातत्याने वाढ होत आहे.

हेही वाचा : सकारात्मक राहा... हेही दिवस निघून जातील 

एकाच दिवशी ३० व्यक्तींच्या स्वॅब नमुन्याचा अहवाल पॉझिटिव्ह आल्याने जिल्हा प्रशासन व आरोग्य यंत्रणा हादरली. अचानक वाढलेल्या रुग्णांमुळे कोरोनाचा समुह संसर्ग झाल्याची भीती व्यक्त करण्यात येत असून नव्याने आढळून आलेल्या या रुग्णाच्या सहवाशीतांची आणि निकटच्या संपर्कातील व्यक्तीचा शोध घेण्यासाठी आरोग्य यंत्रणा युद्ध पातळीवर कामाला लागली आहे.

हेही वाचा :  तहसीलदाराला भोवली रेडझाेनमधून ये-जा

आतापर्यंत २५ रुग्ण बरे होऊन घरी परतले असल्याने डॉक्टरांच्या लढ्यालाही यश प्राप्त होत आहे. सध्या रुग्णालयात ९० बाधित रुग्णांवर उपचार सुरू आहेत. 

• कोरोना अपडेट
• एकूण बाधित : ११५
• बरे झाले : २५
• उपचार सुरू: ९०
• मृत्यू : निरंक