बीड : ग्रामविकास मंत्री पंकजा मुंडे यांना बीड जिल्ह्यात मोठा दणका बसला आहे. भारतीय जनता पक्षाचे माजी आमदार साहेबराव दरेकर यांनी आज (ता.15) राष्ट्रवादीचे नेते अजित पवार यांच्या उपस्थितीत राष्ट्रवादी काँग्रेस पक्षात प्रवेश केला. आष्टी विधानसभा मतदारसंघातील राष्ट्रवादीचे उमेदवार बाळासाहे आजबे यांना साथ देणार असल्याचेही त्यांनी प्रवेश करताना स्पष्ट केले आहे.

माजी आमदार साहेबराव दरेकर यांनी राष्ट्रवादी काँग्रेस पक्षात प्रवेश केल्याने भाजपला आष्टी मतदारसंघात मोठा दणका बसला असून याचा फटका आमदार भिमराव धोंडे यांना निवडणुकीत बसेल असे बोलले जात आहे.

25 हजार होमगार्डवर बेकारीची कुऱ्हाड

दरम्यान, यावेळी बोलताना अजित पवार म्हणाले की,  महाराष्ट्रात सुरु असलेल्या विधानसभा निवडणूकीसाठी सत्याधाऱ्यांकडुन गुजरात नेत्यांचा प्रचारासाठी वापर करण्यात येते आहे. त्या नेत्यांना स्थानिक समस्या काय समजणार आहेत. आमच्या काळात आम्ही डान्सबार बंद केले, पण यांच्याकाळात परत छमछम सुरु झाली. उद्योग बंद पडून बेरोजगारी वाढत आहे.
 

निवडणूक महाराष्ट्राची पण नेते गुजरातचे - अजित पवार

आष्टी येथील राष्ट्रवादी काँग्रेस व मित्रपक्षाचे उमेदवार बाळासाहेब आजबे यांच्या प्रचार सभेत अजित पवार बोलत होते. यावेळी आष्टी विधानसभा मतदारसंघाचे उमेदवार बाळासाहेब आजबे, भाजपचे माजी आमदार साहेबराव दरेकर, राष्ट्रवादी युवक काँग्रेसचे प्रदेशाध्यक्ष महेबुब शेख, सतीश शिंदे आदी उपस्थित होते.