नांदेड : रेल्वेगाडीचा चार्ट म्हणजे अंतिम तक्ता. हा तक्ता तयार झाल्यावरही तुमचे तिकिट निश्चित झालेले नसेल आणि प्रतिक्षेत दाखवत असेल तर प्रवासी हतबल होतात व अनेकदा आणीबाणीची परिस्थिती उद्‍भवत असते. मात्र, रेल्वेने आता आयआरसीटीसीच्या संकेत स्थळातच नवा पर्याय उपलब्ध करून दिला असल्याने प्रवाशांना दिलासा मिळाला आहे.

आसन क्रमांक शोधणे झाले शक्य
आता चार्ट तयार झाल्यावरही संबंधित गाडीत असलेल्या आरक्षित, अनारक्षित, अंशतः आरक्षित व रिकाम्या असलेल्या जागांबद्दलची माहिती प्रवाशांना मिळू शकणार आहे. विशेष म्हणजे संकेतस्थळावरच प्रवासी आपला आसन क्रमांक शोधू शकतील. रेल्वेमंत्री पीयूष गोयल यांनी नव्या सुविधेची माहिती नुकतीच जाहीर केली आहे.   

हेही वाचा - आजपासुन होट्टल महोत्सव; काय आहे महत्व ते वाचा

अशी वापरा नवीन सुविधा

• आयआरसीटीसी संकेतस्थळावर लाॅगइन करा
• गाडीतील आरक्षणाचा ताजा तक्ता दाखवा,असा नवा पर्याय असेल
• त्यावर क्लिक करताच नवीन वेबपेज उघडेल
• तेथे पीएनआर, नाव, प्रवासाचीतारीखव प्रवास सुरु करण्याच्यास्थानकाची माहिती भरा
• आता संपूर्ण आरक्षणाचा तक्ता दिसू लागेल
• डबा व श्रेणीच्या आधारे तुम्ही रिकाम्या जागांची माहिती मिळवू शकाल
• आपल्याला हवा तो आसन क्रमांक भरून ती माहिती सेव्ह करा. त्या सीटवर बसण्याचा तुमचा मार्ग मोकळा झाला असे समजा.
• प्रत्यक्ष प्रवासाआधी संबंधित माहिती दाखवाकिंवा त्याबाबतची नेमकी माहिती द्या. त्याच्याकडीलतक्त्यातही ती अपडेट झालेली असेल.

टीटी हाच होता अखेरचा पर्याय
आयआरसीटीसीच्या ई-तिकिट बुकींग रकान्यात वेब व मोबाईल या दोन्ही माध्यमातून नवी सुविधा उपलब्ध असणार आहे. सद्यस्थितीत तिकिट प्रतिक्षेत असलेल्या प्रवाशांचा  कोणतीही रेल्वेगाडी सुटण्याच्या आधी तिकिट तपासनिसाच्या (टीटी) भोवती प्रवाशांचा घोळका दिसतो. कारण तक्ता तयार झाल्यावरही आपले तिकिट वेटींगवरच असलेल्यांना टीटी हा अखेरचा पर्याय वाटत असतो.

हेही वाचाच - गरीबांच्या गरजा पूर्ण करणारा बाजार : कोणता आणि कुठे आहे हा बाजार

ही प्रणालीही आहे सदोष 
अनेकदा तक्ता तयार झाल्यावरही रेल्वे सुटली, की अनेक जागा रिकाम्याच असल्याचेही वास्तव दिसते. त्यावर जागा मिळावी यासाठी टीटीला भेटणाऱ्यातील अनेक चेहरे दिसतात. असाही अनुभव प्रवाशांना येतो. आता आयआरसीटीसीने उपलब्ध करून दिलेल्या नव्या तांत्रिक सुविधेमुळे प्रवाशांना तयार झालेल्या तक्त्याचाही आरसा दाखविण्याचा निर्णय घेतला आहे.  चार्ट तयार होताना त्यात वेटींग व आरएसीतील प्रवाशांना क्रमाने सामावून घेतले जाईल. मात्र ही प्रणालीही सदोष असल्याचे काही रेल्वे अधिकाऱ्यांनी नाव प्रसिद्ध न करण्याच्या अटीवर ‘सकाळ’शी बोलताना स्पष्ट केले आहे.