औरंगाबाद : माजी आमदार हर्षवर्धन जाधव यांच्या घरावर मध्यरात्री दगडफेक झाली. यावर बोलताना त्यांच्या पत्नी संजना जाधव यांनी 'हर्षवर्धन जाधव जाहिरसभेत बोलले आहेत. त्यांनीही तसे समोरासमोर उत्तर द्यावे. जय शिवराय म्हणत हल्ला करणारांनी त्यांची शिकवणही पाळावी," असा सल्ला दिला.

जाधव घरी नसताना मध्यरात्री ही दगडफेक झाल्याचे सांगून याबाबत पोलिसांना कळवले असून तक्रारही देणार असल्याचे त्यांनी सांगितले. 

Vidhan Sabha 2019 : माजी आमदार हर्षवर्धन जाधव यांच्या घरावर दगडफेक 

हर्षवर्धन जाधव यांचा समर्थनगर येथे बंगला आहे. या बंगल्यासमोर दुचाकीवरून तीन जण आले. त्यांनी जाधव यांच्या वाहनावर तसेच बंगल्याच्या दिशेने भिरकावले. यात जाधव यांच्या वाहनांच्या काचा फुटल्या. घटनेची माहिती समजताच घटनास्थळी क्रांतिचौक पोलिस पोचले. त्यांनी बंगला व वाहनांची पाहणी केली. तसेच सीसीटीव्ही तपासले असता एका दुचाकीवर तीन जण बसून बंगल्यासमोरून जाताना दिसले. असे पोलिस निरीक्षक उत्तम मुळक यांनी सांगितले.