हिंगोली : जिल्ह्यात शनिवारी (ता.नऊ) सकाळी आठ वाजेपर्यंतच्या मागील २४ तासांत ६६.७० मिलिमीटर पावसाची नोंद झाली. जिल्ह्यातील बाळापूर, डोंगरकडा, वारंगा, आंबा, गिरगाव, कुरुंदा या सहा मंडळात अतिवृष्टी झाली आहे. तर, कयाधू, आसना, जलेश्वर या नद्यांना पूर आला आहे. यात पिकांचे देखील नुकसान झाले आहे. जिल्ह्यात सर्वाधिक कुरुंदा मंडळात १७९.३ मिलिमीटर पाऊस झाला आहे.

हिंगोली जिल्ह्यात मागील चार दिवसांपासून सलग पाऊस सुरू आहे. जिल्ह्यात शनिवारी सकाळी आठ वाजेपर्यंत ६६.७० मिलिमीटर पाऊस झाला आहे. यामध्ये हिंगोली तालुका ४७.९० मिलिमीटर, कळमनुरी ९६.९०, वसमत १०६.२, औंढा ४५.८० तर सेनगाव तालुक्यात २६.५० मिलिमीटर पावसाची नोंद झाली आहे.

मंडळनिहाय झालेला पाऊस पुढीलप्रमाणे हिंगोली मंडळात ५८.३, नर्सी नामदेव ६३, सिरसम २५.४,बासंबा २७.८, डिग्रस ५५, माळहिवरा ४०.५, खांबाळा ६५.३, कळमनुरी मंडळात ४१.८, मिलिमीटर, वाकोडी ६५, नांदापूर ३९, बाळापूर १२७.५, डोंगरकडा १५७.८, वारंगा १५०, वसमत मंडळात ८८.३, आंबा १३० ५, हयातनगर ६९.३, गिरगाव १६७.८, हट्टा ५२.३, टेंभुर्णी ५५ ८, कुरुंदा १७९.३ मिलिमीटर, औंढा मंडळात ४८.५, येहळेगाव ३३, साळणा ४८.५, जवळा ५३.५, सेनगाव मंडळात १७.८, गोरेगाव १९.८, आजेगाव ३३.५,, गोरेगाव ३८ ५, आजेगाव २४.३, साखरा १३.८, पानकनेरगाव १५.५, हत्ता ३३.५ मिलिमीटर पावसाची नोंद झाली आहे.