हिंगोली : शेतकऱ्यांच्या वतीने गोरेगाव येथे विविध मागण्यांसंदर्भात सुरू असलेल्या आंदोलनास पाठिंबा म्हणून गुरुवारी (ता.१९) भगवती येथील पैनगंगा नदीवर शेतकऱ्यांनी जलसमाधी आंदोलन केले.

यावेळी प्रशासनामार्फत मोठा पोलिस फाटा तैनात करण्यात आला होता. आंदोलनादरम्यान नामदेव पतंगे, अर्जुन नायक, दशरथ मुळे, वसुदेव जाधव, माधवराव देशमुख आदी शेतकऱ्यांची उपस्थित होती.

दरम्यान, जलसमाधी आंदोलनापासून परावृत्त होण्यासंदर्भात सेनगाव तालुका कृषी अधिकारी संदीप वळकुंडे यांनी संबंधित शेतकऱ्यांना पत्र दिले. त्यात नमूद केले आहे

की, जिल्हा अधिक्षक कृषी अधिकारी, हिंगोली यांनी २०२० ते २०२१ चे विमा संरक्षित रक्कमेचे प्रलंबित दायित्व रक्कम १३.८९ कोटी मिळण्यासाठी तसेच २०२२ च्या खरीप हंगामातील काढणी पश्चात नुकसान या जोखीम अंतर्गत अनुज्ञेय दायित्व अदा करण्यासाठी राज्य शासन स्तरावर विमा कंपनीस केंद्र व राज्य हिस्याच्या प्रिमियमचा दुसरा हप्ता अदा करण्यासाठी जिल्हा सनियंत्रण समितीने शिफारस केली आहे. याबाबत पुढील कार्यवाही शासन स्तरावरून करण्यात येत आहे.

शासन निर्णयाअन्वये शासनाने खरीप हंगाम २०२२ साठी पीक विमा हप्त्यापोटी उर्वरित राज्य हिस्सा अनुदान कंपनीस दुसरा हप्ता वितरित करण्याबाबतचा आदेश दिलेला

आहे.