कळमनुरी (जिल्हा हिंगोली) : तालुक्यातील सालेगाव येथील शेतात असलेल्या वीज रोहित्रा ला सोमवार (ता. एक) आग लागून शेतामध्ये काढून ठेवलेल्या हरभरा पीक व रोहित्र जळून जवळपास ९० हजार रुपयांचे नुकसान झाले आहे.

तालुक्यातील सालेगाव येथील जगन्नाथ गुठे यांचे गावालगत शेत आहे. शेतामध्ये वीज वितरण कंपनीचे रोहित्र बसविण्यात आलेले आहे. सोमवार दुपारी दीड वाजण्याच्या सुमारास या विज रोहित्राला अचानक आग लागली आगीचे वृत्त शेजारी राहत असलेल्या शेतकऱ्याला समजल्यानंतर त्यांनी तातडीने इतर शेतकऱ्यांना घटनास्थळी बोलवले घटनास्थळी धावलेल्या शेतकरी जगन्नाथ गूठे, सचिन गुठे, देविदास ससाने, दिनेश मुंडे ,यादव गुठे ,सचिन ससाने ,संजय कांबळे यांच्यासह शेतकऱ्यांनी विज रोहित्राच्या आजू बाजूला काढून ठेवलेला हरभरा पिकाचे ढीग बाजूला करून संभाव्य नुकसान टाळले झालेल्या घटनेची माहिती देविदास ससाने यांनी या भागाचे लाईनमेन अब्दुल खय्युम यांना दिली.

तेही तातडीने घटनास्थळी पोहोचले त्यांनी या वीज रोहित्रा वरील वीज पुरवठा खंडित केला घटनेची माहिती मिळाल्यानंतर कनिष्ठ अभियंता एस. एस. धकाते यांनी घटनास्थळी भेट दिली. या घटनेत वीज वितरण कंपनीचे जवळपास ९० हजार रुपयांचे नुकसान झाल्याचा अंदाज काढण्यात आला तर काही प्रमाणात शेतकऱ्याच्या हरभरा पिकाचे ही नुकसान झाल्याचे सांगण्यात आले.

संपादन- प्रल्हाद कांबळे