जालना : मराठवाड्यात औरंगाबाद पाठोपाठ आता जालना जिल्ह्यात सर्वाधिक कोरोना बाधित रूग्णांची संख्या झाली आहे. रविवारी (ता.१२) जालना जिल्ह्यात कोरोना बाधितांची संख्या ही एक हजार पार झाली आहे. परिणामी जालना जिल्ह्यातही कोरोनाचा विखळा अधिक घट होत असल्याचे चित्र आहे. 

घरातल्या घरात तपासणीकडे वाढला कल, आरोग्याबाबत लातूरकर जागरूक   

जालना जिल्ह्यात दिवसेंदिवस कोरोना बाधितांची संख्या वाढत आहे. रविवारी (ता.१२) सकाळी ५१ जणांचे कोरोनाचा अहवाल पॉझिटिव्ह आल्याचे जिल्हा शल्यचिकीत्सक डॉ. मधुकर राठोड यांनी सांगितले. त्यामुळे जिल्ह्यात कोरोना बाधितांची एकूण संख्या ही तब्बल एक हजार ४२ वर जाऊन पोहचली आहे. यात सर्वाधिक रूग्ण हे जालना शहरातील आहेत. दरम्यान आतापर्यंत ३७ कोरोना बाधितांचा मृत्यू झाला आहे. तर ५९६ जण कोरोनामुक्त झाले आहेत.

सावंगीत कब्रस्तानाच्या कडेला आढळली शिवपिंड; गावकऱ्यांनी हा घेतला निर्णय..!  

दरम्यान कोरोनाचा विळखा कमी करण्यासाठी जालना शहरात ता. पाच जुलैच्या रात्री बारा वाजल्यापासून दहा दिवसांचे कडकडीत लॉकडाउन लागू करण्यात आले आहे. मात्र, तरी देखील काही नागरिक या लॉकडाउनमध्येही घराबाहेर पडत असल्याचे चित्र मागील दोन ते तीन दिवसांपासून दिसून येत आहे. परिणामी आता कोरोनाचा वाढता प्रसार रोखण्यासाठी काय उपाय योजना कराव्यात असा प्रश्न प्रशासनासमोर उपस्थित होत आहे. 

धक्कादायक..! औरंगाबाद प्राणिसंग्रहालयात तब्बल पाच वाघांचा मृत्यू, वाचा सविस्तर..!

कोरोना मीटर 
एकूण संख्या १०४२ 
बाधितांचा मृत्यू ३७ 
 कोरोनामुक्त  ५९६ 

संपादन : प्रताप अवचार