जालना - जिल्ह्यात बेकायदेशीरपणे गर्भलिंगनिदान व गर्भपात होत असल्याची माहिती नागरिकांनी दिल्यास त्यांना एक लाख रुपयांपर्यंत बक्षीस देण्यात येईल, अशी माहिती जिल्हा शल्यचिकित्सक डॉ. प्रताप घोडके यांनी दिली. शिवाय माहिती देणाऱ्याचे नाव गोपनीय ठेवण्यात येणार आहे.

जिल्हा रुग्णालयातील जिल्हा शल्य चिकित्सकांच्या दालनात पीसीपीएनडीटी ॲक्ट-१९९४ अंतर्गत जिल्हा सल्लागार समितीची बैठक झाली.

तेव्हा ते बोलत होते. यावेळी समितीच्या अध्यक्षा डॉ.सरोज घोलप व सदस्य डॉ.स्मिता गावडे, डॉ.सुरजित अंभोरे, ॲड. इंगळे, संगीता गायके, मंजूषा काकडे, प्रतिभा मसावले, डॉ.व्ही.डी.वाकोडे, विधी सल्लागार ॲड. सोनाली कांबळे यांची उपस्थिती होती.

जिल्ह्यात अवैध गर्भपात थांबविण्यासाठी नागरिकांनी गर्भलिंग निदान केंद्राची माहिती १८००२३३४४७५ या हेल्पलाईन क्रमांकावर द्यावी. माहिती देणाऱ्याचे नाव गोपनीय ठेवले जाईल, असे आवाहन जिल्हा शल्यचिकित्सक डॉ. घोडके यांनी केले.

जिल्हा शल्यचिकित्सक डॉ. घोडके यांची माहितीma