कुंभार पिंपळगाव - पिंपरखेड (ता.घनसावंगी) शिवारात डाव्या कालव्यालगत शेतकऱ्यांच्या उसाला सोमवारी (ता.१६) सकाळी शॉटसर्किटमुळे आग लागली. यात २० एकर ऊस जळाला. सुदैवाने गावकरी, शेतकरी धावल्याने शंभर ते दीडशे एकर ऊसाचे नुकसान टळले.
पिंपरखेड गावालगत जायकवाडी डाव्या कालव्याच्या बाजूला असलेल्या उसाच्या पिकाला सोमवारी सकाळी शॉर्टसर्किट होऊन आग लागली. धुराचे लोट दिसू लागल्याने शेतकरी आणि गावकरी शेताकडे धावले आणि आग आटोक्‍यात आणण्याचा प्रयत्न केला.
आगीत नानासाहेब भोकरे, उत्तमराव भोकरे यांच्या शेतातील दोन एकर, विश्‍वनाथ जायभाये यांच्या शेतातील साडेतीन एकर, लक्ष्मण पवळ यांच्या शेतातील अडीच एकर, नवनाथ पवळ यांच्या शेतातील दोन एकर, संतोष दहिफळे यांच्या शेतातील दोन एकर, सतीश दहिफळे यांच्या शेतातील दोन एकर, वैजनाथ जायभाये यांच्या शेतातील दोन एकर, माणिक दहिफळे यांच्या शेतातील चार एकर असा एकूण २० एकर ऊस शॉर्टसर्किटने जळून खाक झाला.
तसेच ठिबक सिंचन, पाईप व इतर साहित्य असे अंदाजे ३० लाख रुपयांचे नुकसान झाले.
दुष्काळजन्य परिस्थिती असताना या ओढावलेल्या संकटामुळे सरकारकडून नुकसानग्रस्त शेतकऱ्यांना भरपाई मिळावी अशी मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.