Latur
Latur 
मराठवाडा

लातूर जिल्ह्यातील एसटीची बससेवा पूर्ववत

विकास गाढवे

लातूर : चार दिवसाच्या संपानंतर शनिवारी (ता. 21) सकाळी सहापासून जिल्ह्यातील एसटीची बससेवा पूर्ववत सुरू झाली आहे. जिल्ह्यातील पाचही आगारातून रोजच्या वेळापत्रकानुसार बसगाड्या धावू लागल्याची माहिती एसटीचे विभाग नियंत्रक के. एस. लांडगे यांनी 'सकाळ'ला दिली.

सातवा वेतन आयोग लागू करावा, या प्रमुख मागणीसह अन्य मागण्यांसाठी एसटीचे कर्मचारी सोमवारी (ता. 17)  मध्यरात्रीपासून संपावरगेले होते. ऐन दिवाळीत संप पुकारल्याने प्रवाशांचे अतोनात हाल झाले. प्रवाशांना जादा प्रवास भाडे मोजून मिळेल त्या वाहनाने प्रवास करावा लागला. दिवाळीच्या आनंदात प्रवासासाठी कसरत करावी लागली. आज ना उद्या संप मिटेल, या आशेवर प्रवाशी होते तर सरकार चांगला मार्ग काढील, अशी आशा एसटीच्या कर्मचाऱ्यांना होती. मात्र, काहीच मार्ग निघाला नाही. यामुळे संपाच्या दुसऱ्या दिवशी जिल्हा आपत्ती व्यवस्थापन प्राधिकरणाने एसटी कर्मचाऱ्यांवर कायद्याचा बडगा उगारून सर्वांना कामावर रूजू होण्याचे आदेश दिले होते. तर पोलिसांनी चौथ्या दिवशी शुक्रवारी (ता. 20) प्रवाशांची गैरसोय टाळण्यासाठी पोलिस बसमधून निलंगा, उदगीर व अहमदपूर मार्गावर मोफत प्रवाशी सेवा सुरू केली.

पोलिसांच्या या उपक्रमामुळे ऐन सणासुदीच्या काळात प्रवाशांना मोठा दिलासा मिळाला तर मुख्यमंत्री देवेंद्र फडणवीस यांनीही उपक्रमाचे कौतुक केले. संप मिटणार की नाही, अशी चर्चा होत असतानाच मुंबई उच्च न्यायालयाच्या आदेशानुसार एसटीचे कर्मचारी शनिवारी सकाळी कामावर रूजू झाले. यातूनच जिल्ह्यातील सर्व मार्गावरील एसटीची बससेवा पूर्ववत सुरू झाली.  सकाळी सहा वाजल्यापासूनच्या वेळापत्रकानुसार सर्व मार्गावरील बसगाड्या सुरू झाल्या आहेत. जिल्ह्यात संप काळात दुसऱ्या आगाराच्या थांबलेल्या बसही लवकरच मार्गस्थ होतील,  असे विभाग नियंत्रक के. एस. लांडगे यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Raghuram Rajan: संपत्ती वितरणावर रघुराम राजन यांचे वक्तव्य चर्चेत; म्हणाले, ''श्रीमंतांवर कर...''

AIMIM Chief Asaduddin Owaisi: 'मुस्लिम सर्वात जास्त वापरतात कंडोम....', AIMIM प्रमुख असदुद्दीन ओवेसी असे का म्हणाले?

Ban vs Ind 1st T20 : भारताची विजयाने सुरुवात! मायदेशात बांगलादेशने पत्करली शरणागती; टी-20 मालिकेत 1-0 आघाडी

Alien Life : पृथ्वीपेक्षा अडीच पट मोठ्या ग्रहावर एलियन्स असण्याचे संकेत; जेम्स वेब टेलिस्कोपच्या मदतीने घेणार शोध

Share Market Opening: शेअर बाजारात आठवड्याची जोरदार सुरुवात; सेन्सेक्स आणि निफ्टी तेजीत

SCROLL FOR NEXT