नांदेड : विनापरवाना कत्तलीसाठी जाणाऱ्या दहा बैलांना हिमायतनगर पोलिसांनी जीवदान दिले आहे. बुधवारी (ता. 13) सायंकाळच्या नाकाबंदी दरम्यान ही घटना उघडकीस. एकाविरूध्द गुन्हा दाखल करण्यात आला आहे.  
हिमायनगर पोलिसांनी बुधवारी (ता. 13) सायंकाळी पाचच्या सुमारास हियमातनगर ते पार्डी जाणाऱ्या रस्त्यावर नाकाबंदी लावली होती.

फौजदार ज्ञानोबा काळे यांनी आपल्या पथकासह त्या उपस्थित असतांना (एमएच-13-आर-3768) हा आयचर टेम्पो तेथे आला. चालकाला ताब्यात घेऊन आत पाहिले असता त्यात विनापरवानगी, बेकायदेशीररित्या बैलांना निर्दयपणे कोंबून वाहतूक करतांना मिळून आले. ही गोवंश कत्तलीसाठी जात असल्याचे चालकाने सांगितले. यावेळी पोलिसांनी दोन लाख दोन हजाराची दहा बैल त्यांच्या तावडीतून सोडवून घेतले. यावेळी पोलिसांनी शेख गनी शेख रा. उमरखेड याला अटक केली. जप्त बैलांना गोशाळेत पाठवून देण्यात आले. फौजदार श्री. काळे यांच्या फिर्यादीवरुन हिमायतनगर पोलिस ठाण्यात गुन्हा दाखल करण्यात आला आहे. तपास श्री. काळे हे करीत आहेत.