औंढा नागनाथ (जि.हिंगोली) : बारा ज्योतिर्लिंगामध्ये आठव्या स्थानावर असलेले तीर्थक्षेत्र नागनाथाचे ज्योतिर्लिंग (Nagnath Jyotirling) असून या ठिकाणी वर्षातील नागपंचमी निमित्ताने शुक्रवारी (ता.१३) नागनाथाची पूजा करण्यात आली. त्यानंतर भाविकांच्या दर्शनासाठी मंदिर बंद ठेवण्यात आले. मात्र पायरीच्या दर्शनासाठी भाविकांच्या रांगा लागल्या होत्या. नागनाथ मंदिरात महाशिवरात्र, श्रावण मासातील श्रावण (Shravan) सोमवार या दिवशी वार्षिक यात्रा भरत असते. त्या निमित्ताने देवाला विविध (Aundha Nagnath) अलंकारांने सजविण्यात येते. त्या दिवशी मंदिर परिसरात देवाचे दर्शन घेण्यासाठी हजारो लाखो भाविक गर्दी करत असतात आणि त्यामुळे मंदिर भाविकांच्या गर्दीने (Hingoli) फुलून जाते. ज्योतिर्लिंग नागनाथ सगळ्यांची मनोकामना पूर्ण करत असतं अशी श्रद्धा या ठिकाणी भाविकांची आहे. परंतु गेल्या दोन वर्षांपासून कोरोनाचे (Corona) संकटामुळे भाविकांना दर्शनासाठी मंदिर बंद आहे. त्यातच शुक्रवारी नागपंचमी (Nagpanchami) सणानिमित्त भाविक नागनाथ मंदिर परिसरामध्ये येऊन नागनाथ मंदिराच्या (Nagnath Temple) पायरीचे दर्शन रांगेतून घेतले.

या ठिकाणी नागरूपामध्ये देवाची पूजा मांडली जाते. यात्रा नसल्यामुळे जवळपास ५० लाख रुपयांची होणारी उलाढाल यावर्षी झाली नाही. यात्रेमुळे विविध वस्तू विक्री, प्रसाद, धार्मिक साहित्य, बेलफुल, पुष्पहार आदी विक्रेत्यांचे व्यवहार ठप्प होते. मंदिर बंद असल्यामुळे श्री.नागनाथ मंदिरात शुकशुकाट होता. दरम्यान, नागपंचमीनिमित्त येथे असलेल्या आदी नागनाथ महादेवाच्या दर्शनासाठी सकाळपासून भाविक आले होते. यावेळी आदी नागनाथ महादेवाचे मनोभावे दर्शन भाविकांनी घेतले असून या जगावरचे कोरोनाचे संकट जाऊ दे!, अशी प्रार्थना या ठिकाणी भाविकांनी केली. तसेच आदी नागनाथ देवाच्या मंदिर परिसरामध्ये पोलिस बंदोबस्त ठेवण्यात आला होता. मुख्य नागनाथाच्या मंदिराचे प्रवेशद्वारवरच आदी नागनाथाचे दर्शन घेऊन भाविकांनी नागपंचमी साजरी केली. तसेच महिला वर्गाने वारुळाची पूजा केली व नागपंचमी निमित्त झोका खेळण्याचा आनंद ही बच्चेकंपनीने घेतला.