नांदेड - शहर व जिल्ह्यात घरफोडी करणाऱ्या आरोपीला सहा लाख ७८ हजार रुपयांच्या मुद्देमालासह रविवारी (ता.१०) स्थानिक गुन्हे शाखेने अटक केली आहे. सदर आरोपीने चार गुन्हे केल्याचे कबुल केले आहे.
शहर व जिल्ह्यातील घरफोडी करणाऱ्या आरोपींचा शोध घेण्याच्या सूचना पोलिस अधीक्षक श्रीकृष्ण कोकाटे यांनी सर्व पोलिस ठाण्यांना दिलेल्या आहेत. रविवारी घरफोडीतील आरोपी हा बिलोली टोल नाक्याजवळ येणार असल्याची गोपनीय माहिती स्थानिक गुन्हे शाखेच्या पथकातील अधिकाऱ्यांना मिळाली.
त्यानुसार सापळा लावून अमरिश उर्फ आमऱ्या दुर्जा काळे (वय ४५, रा. जेऊर, ता. अक्कलकोट, ह.मु. दगडपुर, ता.बिलोली) याला ताब्यात घेऊन त्याची विचारपूस केली. त्याने पोलिस ठाणे नांदेड ग्रामीण, उस्माननगर, मुखेड आणि नायगाव ठाण्यांतर्गत गुन्हे केल्याची कबुली दिली.
सदर आरोपीकडून घरफोडीतील चोरी केलेले सहा लाख ७८ हजार रुपये किंमतीचे ११३ ग्राम दागिने जप्त केले आहेत. सदर आरोपी हा सोलापूर जिल्ह्यातील खून व दरोड्याच्या गुन्ह्यातून फरार होता. स्थानिक गुन्हे शाखेचे पोलिस निरीक्षक द्वारकादास चिखलीकर यांच्या
मार्गदर्शनाखाली रवी वाहुळे, पांडुरंग माने, सचिन सोनवणे या अधिकाऱ्यांसह गुंडेराव करले, संजीव जिंकलवाड, देवा चव्हाण, बालाजी यादरगीरवाड, ज्वालासिंग बावरी, रणधीर राजबन्सी, गजानन बयनवाड, शंकर केंद्रे, घुगे, मुंढे, बिचकेवार व ठाकूर यांनी ही कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.