उदगीर (जि.लातूर) : कोरोना रुग्णालयातून मंगळवारी (ता.२६) तीन, तर बुधवारी (ता.२७) दोन अशा पाचजणांना उपचार संपल्याने घरी पाठवण्यात आले. सतरापैकी पाच रुग्णांना सुटी दिल्याने उदगीरमध्ये आता फक्त १२ पॉझिटिव्ह रुग्ण शिल्लक आहेत. शहरात निर्माण झालेली संसर्गाची पार्श्वभूमी संपत येत असतानाच बाहेरून आलेल्या रुग्णांमुळे उदगीरला दिवसेंदिवस कोरोनाबाधितांची संख्या वाढत आहे. त्यामुळे आरोग्य विभाग, पोलिस प्रशासन, नगरपालिका व महसूल प्रशासनावर मोठा ताण निर्माण झाला आहे. सध्या एकूण तेरा रेड झोन तयार झाले असून या परिसरातील नागरिकांची कुटुंबनिहाय तपासणी करण्यात येत आहे.

उदगीरच्या कोरोना रुग्णालयात एकूण १७ रुग्ण उपचार घेत होते. मंगळवारी (ता.२६) रात्री यातील तीन रुग्णांना कोरोनामुक्त झाल्याने व त्यांचावरील उपचार संपल्याने रुग्णालयातून घरी पाठविण्यात आले. बुधवारी (ता.२७) दोन अशा पाचजणांना कोरोना रुग्णालयातून सुटी देण्यात आली आहे. आता शहरातील कोरोना रुग्णालयात आठ तर तोंडार पाटी येथील शासकीय वसतिगृहात चार रुग्ण उपचार घेत आहेत. या सर्वांची प्रकृती ठणठणीत असल्याचे अतिरिक्त जिल्हा शल्यचिकित्सक डॉ. सतीश हरिदास यांनी सांगितले.

पोलिस ठाण्यातच त्या दोघांचा विवाह, वाच नेमके काय घडले

या सहा कोरोनामुक्त झालेल्या रुग्णांना पर्यावरण राज्यमंत्री बनसोडे, अतिरिक्त जिल्हाधिकारी अरविंद लोखंडे, उपजिल्हाधिकारी प्रवीण मेंगशेट्टी, पोलिस उपअधीक्षक मधुकर जवळकर, तहसीलदार व्यंकटेश मुंडे, पालिकेचे मुख्याधिकारी भारत राठोड, गटविकास अधिकारी अंकुश चव्हाण, अतिरिक्त जिल्हा शल्यचिकित्सक डॉ. हरिदास, कोरोना रुग्णालयाचे नोडल अधिकारी डॉ. शशिकांत देशपांडे, डॉ. दत्ता पवार, तालुका आरोग्य अधिकारी डॉ. स्वाती सोनवणे, डॉ. प्रशांत कापसे, डॉ. शशिकांत डांगे, डॉ. मेघश्‍याम कुलकर्णी, डॉ. महेश वाघमारे, डॉ. राणी कदम यांच्या उपस्थितीत फुलांनी स्वागत करून दोन रुग्णांना घरी सोडण्यात आले.