गंगापूर : गंगापूर शहराजवळील वैजापूर महामार्गावर (Vaijapur Highway Accident) दोन पिकअपची समोरासमोर भीषण धडक झाल्याने या अपघातात एक ठार तर एक जण गंभीर जखमी झाल्याची घटना आज (ता. १४) पहाटे सहा वाजता घडली आहे. चालक स्वप्नील दयानंद साबळे (रा. वाळूज) जागीच ठार झाला आहे.

जखमींना येथील उपजिल्हा रुग्णालयात दाखल केले असता, डॉक्टरांनी तपासून स्वप्नील साबळे यास मृत घोषित केले. अतुल संतोष बोरूडे (रा. कंवडगाव ता. पैठण) असे जखमीचे नाव आहे.

स्वप्नील साबळे वाळूजवरून पिकअप (एमएच २० डीइ ५३४३) वाहनातून नाशिकच्या दिशेने जात होता. येथील वैजापूर रस्त्यावर विठ्ठल आश्रमाजवळ समोर येणारी पिकअप (एमएच २० जीसी ६७४८) वैजापूर वरून छत्रपती संभाजीनगर दिशेने कैरी घेऊन निघालेल्या गाडीचा अपघात झाला.