बीड : यंदाच्या पावसाळ्यातील 95 दिवस संपले असून, यात 66 दिवस कोरडे गेले आहेत. 29 दिवस मध्यम स्वरूपाचा पाऊस पडला आहे. यामुळे निम्म्या पिकांना काही प्रमाणात आधार मिळाला आहे. सरासरीच्या तुलनेत आतापर्यंत 260 मिलिमीटर पाऊस झाला आहे. सर्वाधिक पाऊस माजलगाव तालुक्यात, तर सर्वांत कमी पाऊस शिरूर तालुक्यात झाला आहे.
सध्या जिल्ह्यातील 105 प्रकल्प अजूनही कोरडेच आहेत. येणाऱ्या 25 दिवसांवर जिल्ह्यातील पुढील परिस्थिती अवलंबून राहणार आहे. जिल्ह्यात चार-पाच वर्षांपासून पावसाचे प्रमाण कमी झाले आहे, यामुळे शेतकरी मेटाकुटीस आले आहेत. गेल्यावर्षी सरासरीच्या तुलनेत निम्माच पाऊस झाला होता. यामुळे जिल्ह्यात दुष्काळ पडला.
पोळा सणापासून जिल्ह्यात पावसाला सुरवात झाली आहे. यामुळे जिल्ह्यातील निम्म्या पिकांना जीवदान मिळाले आहे; परंतु खरिपाची निम्मी पिके वाया गेली आहेत. सध्या पडत असलेल्या पावसामुळे जिल्ह्यातील शेतकऱ्यांमध्ये काही प्रमाणात समाधान असले, तरी अजूनही मोठ्या पावसाची प्रतीक्षा कायम आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.