छत्रपती संभाजीनगर - मराठवाडा मुक्तिसंग्रामाच्या अमृत महोत्सवाचा सांगता समारोहासाठी १६ सप्टेंबरला केंद्रीय गृहमंत्री अमित शहा जिल्हा दौऱ्यावर येणार आहे. यानिमित्त त्यांच्या सभेचे नियोजन करण्यात येत आहे. यासाठी रविवारी गृहनिर्माणमंत्री अतुल सावे, जिल्हाधिकारी आस्तिककुमार पांडेय, पोलिस आयुक्त मनोज लोहिया, महापालिका आयुक्त जी. श्रीकांत यांनी चिकालठाणा एमआयडीसीतील मैदनाची पाहणी केली.

अमित शहा यांची सभा कोणत्या मैदानावर होऊ शकते, याची चाचपणीही करण्यात आली. यात चिकलठाणा एमआयडीसीतील कालग्राम समोरील रिद्धी-सिद्धी मैदनाची पाहणी केली. हे मैदान चांगले आहे. यामुळे पोलिसांनी विचारून हे मैदान अंतिम केले जाईल, असे अतुल सावे यांनी सांगितले.

यावेळी शहराध्यक्ष शिरीष बोराळकर, भाजपचे प्रदेश सरचिटणीस संजय केणेकर, माजी नगरसेवक राजू शिंदे, जालिदंर शेंडगे, युवा मोर्चाचे हर्षवर्धन कराड, गोकुळ मलके उपस्थिती होते. या मैदानाबाबत जिल्हाधिकारी, पोलिस आयुक्त आणि महापालिका आयुक्त निर्णय घेणार असल्याचे गृहनिर्माणमंत्री अतुल सावे यांनी सांगितले.

अमित शहा यांच्या दौऱ्यानिमित्ताने सभेविषयी भाजपच्या पदाधिकाऱ्यांची रविवारी बैठक झाली. तसेच मैदानाची पाहणी केली. जिल्हा प्रशासनाकडून मैदान फायनल झाल्यानंतर पुढील नियोजन करण्यात येईल.

अतुल सावे, गृहनिर्माणमंत्री.