नांदेड : सरपंचपदाचा राजिनामा किंवा निवडणूकीत आलेला खर्च देत नसलेल्या चक्क सरपंचाचे अपहरण करून डांबुन ठेवल्याचा धक्कादायक प्रकार पाटोदा (खु) येथे शनिवारी (ता. १४) घडला. 

पोलिस सुत्रांच्या माहितीवरुन धर्माबाद तालुक्यातील पाटोदा (खु) येथे अडीच वर्षापूर्वी ग्रामपंचायत निवडणूक झाली. या निवडणुकीत पॅनलप्रमुख उत्तमराव जाधव यांनी आपले पॅनल निवडूण आणले. त्यानंतर अडीच वर्षासाठी सरपंच म्हणून संजय पांडूरंग ईमनेलु (वय ३७) यांची निवड केली. ईनमेलु यांचा कार्यकाळ संपल्याने पॅनलप्रमुख यांनी त्यांना राजीनामा देण्यास सांगितले. परंतु सरपंचपदाचा राजिनामा देण्यास ईनमेलु यांनी नकार दिला. यावरून पॅनलप्रमुखांनी निवडणूकीत लावलेले दोन लाख रुपये मला दे असे म्हणून तगादा लावला. परंतु सरपंच हे टाळाटाळ करीत असल्याचे लक्षात येताच उत्तमराव जाधव यांनी त्यांचे अपहरण करून रामतिर्थ येथे एक दिवस डांबुन ठेवले. हा धक्कादायक प्रकार पुढे आल्याने आपली बदनामी झाली म्हणून सरपंच संजय ईनमेलु यांनी धर्माबाद ठाणे गाठून आपली तक्रार दिली. यावरून अपहरणाचा उत्तमराव जाधवविरूध्द गुन्हा दाखल करण्यात आला आहे. या प्रकरणाचा तपास फौजदार अनिल सनगले हे करीत आहेत. 

आपण एका क्लिकवर ताजे अपडेट्स आपल्या मोबाईलमध्येही मिळवू शकता.

• 'ई सकाळ'चे अॅप डाउनलोड करण्यासाठी क्लिक करा.
• शेतीविषयीची अपडेट असलेले 'अॅग्रोवन' अॅप डाउनलोड करण्यासाठी ​क्लिक करा.
• राजकारणाची प्रत्येक घडामोड कळविणारे 'सरकारनामा' अॅप डाउनलोड करण्यासाठी क्लिक करा.