लातूर : जिल्ह्यात शुक्रवारी (ता. १२) तीन पॉझिटिव्ह रुग्ण आढळले आहेत. यातील दोन रुग्ण नवीन असून ते शहरातील क्रांतीनगर भागातील आहेत. तिसरा रुग्ण हा बाभळगाव (ता. लातूर) येथे गुरूवारी (ता. ११) पॉझिटिव्ह आढळलेल्या रुग्णाच्या संपर्कातील आहे.

रोज नवीनच भागात पॉझिटिव्ह रुग्ण आढळत असल्याने लातूरकरांची चिंता वाढली आहे. येथील विलासराव देशमुख शासकीय वैद्यकीय विज्ञान संस्थेच्या प्रयोगशाळेत गुरूवारी तपासणीसाठी आलेल्या तीन व्यक्तींचे अहवाल प्रलंबित होते. शुक्रवारी त्यापैकी दोन व्यक्तींचे अहवाल पॉझिटिव्ह आले असून एका व्यक्तीचा अहवाल इन्क्लूझिव्ह आला आहे. 

न्सून येतो कसा, महाराष्ट्रातील कोणत्या भागात कधी येणार? जाणून घ्या प्रवास

पॉझिटिव्ह अहवाल आलेल्या या दोन्ही व्यक्ती नवीन रुग्ण असून त्या शहरातील क्रांतीनगर भागातील अाहेत.  त्या कोठून आल्या आहेत, याची माहिती मिळू शकली नाही. दरम्यान शुक्रवारी एकूण ८७ व्यक्तींच्या स्वॅबचे नमुने तपासणीसाठी आले होते. त्यापैकी ८० नमुने निगेटिव्ह तर दोन इन्क्लुझिव्ह आले. चार रिजेक्ट करण्यात आले व एकाचा अहवाल पॉझिटिव्ह आला. हा व्यक्ती बाभळगाव येथील असून पॉझिटिव्ह अहवाल आलेल्या व्यक्तीच्या संपर्कातील असल्याची माहिती संस्थेचे अधिष्ठाता डॉ. गिरीष ठाकूर यांनी दिली. तीन रुग्णांमुळे जिल्ह्यातील लातूर कोरोना मीटर रुग्णसंख्या १७३ झाली आहे. यात उपचार सुरू असलेले ३७ तर बरे झालेले १२८ रुग्ण असून आठ जणांचा मृत्यू झाला आहे.