तुळजापूर : (जि. उस्मानाबाद) : कोरोना व्हायरसच्या पार्श्वभूमीवर तुळजाभवानी मंदिर मंगळवारपासून (ता. १७) भाविकांसाठी पूण॔पणे बंद करण्याचा निर्णय मंदिर प्रशासनाने घेतला आहे. पुढील आदेश येईपर्यंत मंदिर भाविकांसाठी बंद राहणार आहे.

तुळजाभवानी मंदिर समितीची प्रशासकीय कार्यालयात मंदिर समितीच्या सरव्यवस्थापिका योगिता कोल्हे, प्रभारी नगराध्यक्ष सचिन रोचकरी, तहसीलदार सौदागर तांदळे, मंदिर समितीचे धार्मिक व्यवस्थापक सिद्धेश्वर इंतुले यांच्या प्रमुख उपस्थितीत सोमवारी (ता. १६) बैठक झाली. त्यावेळी या निण॔याची माहिती मंदीर समितीच्या वतीने पत्रकारांना देण्यात आली. या वेळी तुळजाभवानी मातेचे महंत, पुजारी मंडळाचे प्रतिनिधी उपस्थित होते.

वाचा : चिकनमुळे कोरोना होतो सिद्ध करा अन् ५१ हजार मिळवा, व्यावसायिकांचे आव्हान

योगिता कोल्हे म्हणाल्या, की राज्य सरकारच्या आदेशाप्रणाणे जिल्हादंडाधिकारी यांनी १५ मार्च रोजी कोरोना व्हायरसच्या पार्श्वभूमीवर नागरिकांनी गर्दी करू नये, तसेच सांस्कृतिक, क्रीडा, धार्मिक कार्यक्रम अशा ठिकाणी गर्दी होऊ नये म्हणून सूचना केल्या आहेत. त्यानुसार 
तुळजाभवानी मंदिर कोरोना व्हायरसच्या पार्श्वभूमीवर पुढील आदेशापर्यंत भाविकांसाठी बंद राहणार आहे.

तुळजाभवानी मातेच्या दर्शनासाठी राज्यभरातील भाविक येत असतात. रविवारी (ता. १५) दिवसभरात सुमारे १३ हजार भाविकांनी तुळजाभवानी मातेचे दर्शन घेतले. तुळजाभवानी मातेच्या दश॔नासाठी येणारा भाविक वर्ग पुणे, पिंपरी चिंचवड सारख्या शहरातील आहे. सध्या पुणे, चिंचवड या शहरामध्ये कोरोनाचा प्रादुर्भाव आहे. कोरोना संसग॔जन्य असल्याने मंदिर 
बंद ठेवण्याचा निर्णय घेण्यात आला आहे. भाविकांनी दश॔नास न येता लाईव्ह दश॔नाचा लाभ घ्यावा, असे आवाहन करण्यात आले आहे. 
सप्तशृंगी (वणी) येथील विश्वस्तांसोबत आजच बोलणे झाले असल्याचे ही त्यांनी सांगितले. 
या वेळी महंत तुकोजी बुवा, महंत हमरोजीबुवा, भोपे मंडळाचे अध्यक्ष अमर परमेश्वर, पुजारी मंडळाचे सदस्य नागेश साळुंके, इंद्रजित साळुंके, उपाध्ये मंडळाचे अध्यक्ष अनंत कोंडो आदी उपस्थित होते. 

वाचा : लातूर शहरातील मॉल, मल्टिप्लेक्स सुरूच, सरकारच्या आदेशाला केराची टोपली

धार्मिक विधी सुरू राहणार 
तुळजाभवानी माता मंदिरातील सर्व धार्मिक विधी सुरू राहणार आहेत. तसेच महाद्वार परिसरात सुरक्षा कर्मचारी आणि पोलिस कर्मचारी तैनात करण्यात येणार आहेत. मंदिरातील छबिना कर्मचाऱ्यांमार्फत काढला जाणार आहे. मंगळवारपासून (ता. १७) ज्या भाविकांनी सिंहासन पूजेसाठी नोंदणी केली होती. त्या सर्व रद्द करण्यात आल्या आहेत. रद्द केलेल्या पुजा भाविकांना हवे असल्यास नंतर करता येणार आहे. भाविकांचे भ्रमणदूरध्वनी प्रशासनाकडे आहेत, त्यांना आम्ही आजच माहिती देणार असल्याचे श्रीमती कोल्हे यांनी सांगितले.