नांदेड : लुटमारीच्या उद्देशाने अज्ञात दुचाकीस्वारांनी पिस्तुलमधून गोळी झाडून एकाचा खून तर दुसऱ्याला जखमी केले. या घटनेने नांदेड शहर हादरले असून पोलिस मारेकऱ्यांच्या शोधात लागले आहेत. या घटना सोमवारी (ता. 8) मध्यरात्री विद्यापीठ व बीडीडीएस कार्यलयासमोर घडल्या. मारेकऱ्यांनी पळविलेली चारचाकी गाडी अबचलनगर भागातून जप्त केली. यात लातूर जिल्ह्यातील अहमदपूर येथील शेख नजीब अब्दुल गफार यांचा मृत्यू झाला तर डोंगरकडा तालुका कळमनुरी जिल्हा हिंगोली येथील डॉक्टर सतीश गायकवाड हे जखमी झाले आहेत..