परळी वैजनाथ (जि.बीड) : येथील वैद्यनाथ बँकेच्या रिक्त झालेल्या अध्यक्षपदी विनोद सामत यांची निवड झाली आहे. संपूर्ण राज्यात शाखा असलेल्या वैद्यनाथ नागरी सहकारी बँकेचे (Vaidyanath Urban Cooperative Bank) अध्यक्ष अशोक जैन यांनी ता. २९ जुलैला बोर्ड कमिटीच्या बैठकीत अध्यक्षपदाचा राजीनामा दिला होता. हा राजीनामा आपण वैयक्तिक कारणांमुळे देत असल्याचे अशोक जैन (Ashok Jain) यांनी राजीनामा दिल्यानंतर सांगितले होते. यानंतर दोन महिने हे पद रिक्त होते. या पदावर गुरुवारी (ता.२३) उपाध्यक्ष असलेले विनोद सामत यांची अध्यक्षपदी (Parli) नियुक्ती करण्यात आली आहे. येत्या काही दिवसात वैद्यनाथ बँकेच्या निवडणुका (Beed) होणार आहेत.

संपूर्ण महाराष्ट्रात (Maharashtra) नामांकित, अग्रगण्य असलेली व १००० कोटींच्या जवळपास ठेवी असलेली येथील वैद्यनाथ नागरी सहकारी बँकेचे गेल्या १० वर्षांपासून अध्यक्ष असलेले अशोक जैन यांनी आपल्या पदाचा राजीनामा दिला. भाजपचे राष्ट्रीय नेते स्वर्गीय गोपीनाथराव मुंडे, अशोक सामत यांच्या ताब्यात असताना बँकेनी आपले नाव सुरुवातीला मराठवाड्यात तर १३ जुलै २०११ ला अशोक जैन यांनी अध्यक्षपदाचा पदभार घेतल्यानंतर २५० कोटींच्या ठेवीवरुन १००० कोटींच्या आसपास ठेवी, मराठवाड्यानंतर संपूर्ण महाराष्ट्रात बँकेच्या शाखा स्थापन करुन नावारुपाला आणली. स्वर्गीय गोपीनाथराव मुंडे यांच्यानंतर या बँकेवर भाजपच्या राष्ट्रीय सचिव पंकजा मुंडे, खासदार डॉ.प्रितम मुंडे यांचे वर्चव राहिले आहे.