वडवणी (जि.बीड) : वडवणी नगरपंचायतीसाठी (Wadwani Municipal Council Election 2021) आज मंगळवारी (ता.२१) सकाळपासूनच मतदानाला शांततेत सुरुवात झालेली होती. मात्र वडवणी येथे केंद्र क्रमांक तीनवर मतदानाच्या प्रारंभापासूनच दाेन गटांत सातत्याने वाद सुरु हाेते. त्याचे पर्यावसन हमरीतुमरीवर आले. परिस्थितीचे गांभीर्य पाहून पाेलिसांनी भाजप (BJP) आणि राष्ट्रवादी काँग्रेसच्या (Nationalist Congress Party) कार्यकर्त्यांवर लाठीचार्ज केला. सध्या या मतदान केंद्रावरील तणाव निवळला असून तगडा पोलीस बंदोबस्त ठेवण्यात आलेला आहे. (Wadwani Municipal Council Election BJP NCP Candidates Beaten Eachother Beed Politics)

वडवणी नगरपंचायतच्या १३ जागांसाठी आज मतदान प्रक्रिया पार पडत असून सकाळपासूनच मतदानाला सुरुवात करण्यात होती. प्रभाग तीन वगळता इतर ठिकाणी मतदान प्रक्रिया शांततेत सुरू आहे. सकाळी केंद्र क्रमांक तीनमध्ये राष्ट्रवादी व भाजपच्या उमेदवारांमध्ये राडा झाल्याचे चित्र बघायला मिळाले. मात्र बंदोबस्तावर असणाऱ्या पोलिसांनी वेळीच हस्तक्षेप केल्यामुळे हमरीतुमरीवरच हे प्रकारण शांत झाले. मात्र बघ्यांवर पोलिसांनी लाठचार्ज केला.