अहमदपूर :  तालुक्यातील मौजे टेंभुर्णी येथे झालेल्या अपघातात एका युवकाचा मृत्यू झाल्याची घटना घडली आहे.शहरापासून जवळच असलेल्या नांदेड -लातूर रोडवरील एका धाब्यावर व्यवस्थापकाचे काम करीत असलेला तीर्थ धानोरा येथील गंगाराम शिवाजी पेड ( 22 वर्ष) हा युवक गुरूवारी ( ता.31) सायंकाळी पाच वाजता मोटार सायकल घेऊन अहमदपूरहून टेंभूर्णी- हासर्णी या मार्गाने आपल्या गावी जात होता.दरम्यान टेंभूर्णी जवळील पुलाजवळ समोरून येणा-या अज्ञात वाहनाने या युवकास धडक दिल्याने तो गंभीर जखमी झाला व त्यातच त्याचा मृत्यू झाला.या संदर्भात अहमदपूर पोलिस ठाण्यात अकस्मात मृत्यू गुन्हा नोंद झाला असून पुढील तपास पोलिस निरीक्षक चितंबर कामठेवाड यांच्या मार्गदर्शनाखाली एस.एम.ठाकरे करीत आहेत.

अहमदपूरहून हाडोळतीकडे जाण्यासाठी टेंभूर्णी- हासर्णी हा जवळील मार्ग म्हणून बरेच लोक अवलंबीत असल्याने या मार्गावर बरीच वहातूक वाढली आहे परंतु या रस्त्यावर वळण अधिक असल्याने अपघात होत आहेत.