मुंबई : मुंबईत अवयवदानाला प्रतिसाद मिळत असुन नुकतेच यावर्षातील 23 वे अवयवदान झाले. अपोलो रुग्णालयात 17 ऑगस्ट रोजी पार पडलेल्या अवयव दानामुळे 4 जणांना जीवनदान मिळाले आहे.मृत्यू झालेल्या रुग्णाच्या नातेवाईकांना तेथील डॉक्टर आणि प्रत्यारोपणाच्या समन्वयकांनी कुटुंबियांना अवयवदानाबद्दल माहिती दिली असता महिलेच्या कुटुंबीयांनी तात्काळ होकार दिल्याचे समन्वय समितीने सांगितले.

डॉक्टरांनी केलेल्या तपासणीत मायताचे यकृत, स्वादुपिंड आणि दोन मूत्रपिंडाचे दान करता येतील अशी माहिती विभागीय अवयवदान आणि प्रत्यारोपण समितीला दिली. त्यानंतर या समितीने मार्गदर्शक तत्त्वे आणि निकषांनुसार दान आणि प्रत्यारोपण प्रक्रिया पार पाडली. मात्र अवयव दात्याच्या कुटुंबीयांनी माहिती झेडटीसीसीने गुप्त ठेवली आहे. यावर्षीच्या हे 23 वे अवयवदान आहे. यातून 75 अवयवाचे दान झाले आहे.

अवयवदानाबद्दल लोकांमध्ये जागृती होत आहे. कोरोना नियंत्रणात येत असल्याने अवयवदान टप्प्याटप्प्याने वाढत आहे. या अवयावदानामुळे चार जणांचे जीव वाचवण्यास मदत झाली आहे अशी माहिती मुंबई विभागीय अवयवदान आणि प्रत्यारोपण समितीचे डॉ. एस.के. माथूर यांनी सांगितले.