खोपोली : खंडाळा घाटातील अपघातांची मालिका सुरूच असून मंगळवारी रात्रीही घाटातील शिंग्रोबा मंदिर चढणीवर माल वाहतूक ट्रक अनियंत्रित होऊन रस्त्याखाली जाऊन उलटा झाला. यात ट्रकचालकाने खाली उडी मारल्याने तो किरकोळ जखमी झाला.

सुदैवाने या अपघातात कोणतीही जीवितहानी झाली नाही. मंगळवारी रात्री दीड वाजण्याच्या सुमारास हा अपघात घडला. अपघातात ट्रकचे मोठे नुकसान झाले. अपघाताची माहिती मिळताच घाट रस्ता वाहतूक पोलिस, महामार्ग आपत्कालीन मदत यंत्रणा तातडीने घटनास्थळी पोहचून त्यांनी किरकोळ जखमी चालक हनुमंत खैरनार यांना मदत केली. त्याच्यावर प्रथमिक उपचारही करण्यात आले. सदर ट्रक मुंबईकडून पुण्याकडे औद्योगिक माल घेऊन जात होता.