भिवंडी - भिवंडी शहरातील साईनगर ताडाळी अंजुरफाटा रोड येथे गुरुवारी झालेल्या क्षुल्लक वादातून शुक्रवारी त्याचा जाब विचारण्यासाठी गेलेल्या युवकांवर तीन ते चार जणांनी अँसिड फेकून हल्ला केल्याची खळबळजनक घटना उघडकीस आली आहे.यामध्ये पाच जण भाजल्याने जखमी झाले असून त्यापैकी दोन जणां वर रुग्णालयात उपचार सुरू आहेत.पोलिसांनी या प्रकरणी गुन्हा दाखल केला आहे.

धनगर समाजाच्या आरक्षण व आर्थिक विकासाच्या मागण्यांबाबत सकारात्मक पावले उचलणार : मुख्यमंत्री उद्धव ठाकरे 

शहरातील ताडाळी साईनगर येथील निखिल शर्मा हा गुरुवारी सकाळी कामावरून घरी परतत असताना त्या परिसरातच राहणारे भंगार व्यावसायिक अब्दुल रहीम खान व सलीम पठाण यांच्यात भांडण झाले होते. .हे भांडण मिटविण्यासाठी त्याचे मित्र रोहित पांडे, सुरज पटेल, अभिषेक शर्मा, निलेश कुमार हरिजन, अभिषेक देशमुख यांनी सोडविले होते. सदर वेळी आरोपी अब्दुल खान याने अभिषेक देशमुख यास धमकी दिली होती. त्यामुळे काल रात्री 08.30 वा सुमारास अब्दुल खान याने  दिलेल्या धमकीचा जाब विचारण्या करता रोहित पांडे व त्याचे मित्र सुरज पटेल, अभिषेक शर्मा, निलेश कुमार हरिजन, अभिषेक देशमुख हे अब्दुल याच्या घरी गेले असता सदर गोष्टीचा सलीम पठाण व अब्दुल यांना राग आल्याने त्यांने घरातून बकेटमध्ये साठविलेले ॲसिड आणून रोहित पांडे व त्याचे चार मित्र यांना जिवे ठार मारण्याच्या उद्देशाने त्यांच्या अंगावर टाकून गंभीर जखमी केले. या बाबत रोहित पांडे यांनी नारपोली पोलीस ठाण्यात  तक्रारी देताच पोलिसांनी गुन्हा दाखल केला आहे. सदर गुन्ह्यातील आरोपी अब्दुल खान हा अँसिड फेकल्या नंतर खाली पडला असता तो सुध्दा तो सुध्दा जखमी झाला आहे. त्यास खाजगी रूग्णालयात उपचारासाठी दाखल करण्यात आले आहे. तर सलीम पठाण याला अटक करण्यात आलेली आहे.

पालिका रक्तपेढीत केवळ 100 युनिट रक्त - 

जखमी अभिषेक देशमुख यास मुंबई सायन हॉस्पिटल येथे व अभिषेक शर्मा हा गुरुकृपा हॉस्पिटल भिवंडी येथे उपचारा करीता दाखल आहे. उर्वरित तीन जखमींना उपचार करून घरी सोडले आहे .पुढील तपास पोलीस निरीक्षक मालोजी शिंदे करीत आहेत.

------------------------------------------

( संपादन - तुषार सोनवणे )