मुंबई, 22 : जागतिक वारसा असलेली छत्रपती शिवाजी महाराज टर्मिनस हेरिटेज इमारतीच्या घुमटातून पाणी गळतीची घटना घडली आहे. मात्र, यावर रेल्वे प्रशासनाकडून घुमटाचे काम सुरु आहे. सुरुवातीला ड्रोन सर्व्हेक्षण करण्यात आले होते. आता नुकताच रडार सर्व्हेक्षण करण्यात आले आहे. त्यामुळे घुमटातील अंतरंगात बाबींची माहिती मिळविण्यात आली आहे. 

सीएसएमटीची हेरिटेज इमारत मे १८८८ साली उभारण्यात आली. या वास्तूला १३२ वर्षे पूर्ण होणार आहेत. जगातील टॉप दहाच्या यादीतील छत्रपती शिवाजी महाराज टर्मिनसची नोंद आहे. मात्र जागतिक वारसा असलेल्या इमारतीच्या मुख्य घुमटाच्या सांध्याला, इतर घुमटाला, विविध पुतळ्यांना तडे गेले आहेत.  

महत्त्वाची बातमी : कोरोनाबाबत अत्यंत महत्त्वाचं विधान, "अँटीबॉडीज म्हणजे कोविड-19 चा इम्युनिटी पासपोर्ट नाही"

मागील वर्षीच्या पावसाळ्यात इमारतीच्या डोममध्ये, घुमटाच्या ठिकाणी गळती सुरू झाली होती. त्यामुळे ड्रोनद्वारे सर्व्हेक्षण करून प्रत्येक भागाची पाहणी करण्यात आली. ड्रोनद्वारे घुमटाच्या बाहेरील भागाची पाहणी करण्यात आली. तर, रडारद्वारे अंतर्गत भागाची पाहणी करण्यात आली आहे. 

सीएसएमटीच्या घुमटाची जाडी 250 मिमी ते 450 मिमी आहे. या घुमुटची जाडी दोन ते तीन दगडांच्या थराची आहे. या थरांची रडारद्वारे सर्व्हेक्षण करण्यात आले. यातून प्रत्येक थराची जाडी, दगडांची अंतर्गत रचना याचा शोध घेण्यात आला आहे. पुढील वर्षीच्या पावसाळ्याआधी हेरिटेज इमारतीचे काम करण्याचे उद्दिष्टे आहे, असं वस्तू वारसातज्ज्ञ चेतन रायकर म्हणालेत.

मुंबई परिसरातील बातम्या वाचण्यासाठी येथे क्लिक करा। Marathi News From Mumbai

लॉकडाऊन कालावधीचा योग्य वापर करून सीएसएमटी हेरिटेज इमारतीचे काम करण्यात आले आहे. नुकताच रडार सर्व्हेक्षणाद्वारे घुमटाचे सर्व्हेक्षण केले आहे. या कामामध्ये कुशल कामगार आणि वास्तू तज्ज्ञचा समावेश आहे. घुमटाच्या खालील ठिकाणी परांची उभारून काम सुरु आहे, असं शिवाजी सुतार(मुख्य जनसंपर्क अधिकारी, मध्य रेल्वे) म्हणालेत. 

after radar inspection repair work of Dome starts in heritage building of CSMT