मुंबई - सुरक्षा व गुन्हे दोषसिद्ध करण्याचे प्रमाण वाढवण्याच्या अनुषंगाने शहरातील सर्व आस्थापनांनी सीसीटीव्ही बसवण्याचे आवाहन मुंबई पोलिसांकडून करण्यात आले आहे. त्या अनुषंगाने सीआरपीसी कलम 144 अंतर्गत शनिवारी आदेश पारीत करण्यात आले आहेत.

हेही वाचा - चक्रीवादळांना सामोरे जाण्यासाठी निवारा केंद्रे उभारणार? राज्य सरकारचा केंद्राकडे 8 कोटींचा प्रस्ताव

सरकाने मुंबईतील प्रमुख रस्ते व नाक्यांवर सीसीटीव्हीचे जाळे तयार केले आहे. त्यांचा वापर तपासासाठी होत असून सीसीटीव्हीचे चित्रीकरण न्यायालयातही पुरावा म्हणून ग्राह्य मानले जात असल्यामुळे गुन्हा सिद्ध होण्यातही त्याची मदत होते. त्यामुळे मुंबई पोलिसांनी शहरातील सर्व आस्थापनांनी स्वतःच्या व नागरिकांच्या सुरक्षेच्या दृष्टीने सीसीटीव्ही बसवण्याचे आवाहन करण्यात आले आहे. त्यांचा दर्जा चांगला असावा, तसेच आस्थापनांच्या परिसरातील चित्रीकरणही त्यातून होईल, असे सीसीटीव्ही बसवण्यात यावे, अशा सूचना करण्यात आल्या आहेत.

हेही वाचा - लसीकरणात औषध विक्रेत्यांकडे दुर्लक्ष; संघटनांचे मुख्यमंत्र्यांसह आरोग्य विभागाला पत्र

दोन महिन्यात आपल्या आस्थापनांत सीसीटीव्ही बसवून सरकारला मदत करावी, अशी विनंतही पोलिसांकडून करण्यात आली आहे.

All offices in Mumbai should install CCTV Police appeal to curb crime

----------------------------------------------

( संपादन - तुषार सोनवणे )