मुंबई - कांजूरमार्गवरील मेट्रोचे कारशेडचं काम थांबवण्याचे मुंबई उच्च न्यायालयाने दिले आहे. न्यायालयाच्या या आदेशामुळे या मेट्रो कारशेडची जागा बांद्रा कुर्ला कॉम्प्लेक्स अर्थात बीकेसीमध्ये स्थानांतरीत करण्याची चाचपणी ठाकरे सरकारने सुरू केली आहे.  यामुळे महाविकास आघाडी आणि भाजप पुन्हा आमने-सामने आले आहे. ठाकरे सरकारच्या कारभारावर ताशेरे ओढताना भाजप आमदार आशिष शेलार यांनी राज्याचे मुख्यमंत्री उद्धव ठाकरे आणि पर्यावरण मंत्री अदित्य ठाकरे यांच्यावर निशाना साधला आहे.  मुंबईकरांच्या प्रत्येक विकास प्रकल्पापेक्षा अहंकारी राजा आणि विलासी राजपुत्राचा अहंकारच मोठा आहे.  शेलार यांनी ट्वीट करून मुख्यमंत्र्यांवर टीकेची झोड उठवली आहे.

ट्वीटमध्ये शेलार म्हणतात की. 'मेट्रोला गिरगावात विरोध केला. मग समृद्धी महामार्ग, कोस्टल रोड, वाढवण बंदर एवढंच नव्हे तर मुंबई-दिल्ली कॉरिडॉर, प्रत्येक विकास प्रकल्पाला फक्त विरोध, विरोध आणि विरोधच करण्यात आला, असं आशिष शेलार यांनी म्हटलं आहे. आता मेट्रो कारशेड उभारण्यापेक्षा या कारशेडला बीकेसीतील जागा निवडून बुलेट ट्रेन होऊच नये, असा डाव महाविकास आघाडी सरकारकडून आखला जात  आहे. मुंबईकरांच्या प्रत्येक विकास प्रकल्पापेक्षा अहंकारी राजा आणि विलासी राजपुत्राचा अहंकारच मोठा आहे. वैयक्तिक अहंकारातून मुंबईच्या विकास प्रकल्पांचा गळा घोटला जात आहे. हे विरोधक? नव्हे हे तर मुंबईच्या विकासातील गतिरोधकच आहेत, अशी घणाघाती टीकाही शेलारांनी केली आहे.

Ashish Shelars venomous criticism of Uddhav Thackeray and Aditya Thackeray

-------------------------------------------------------------------

( संपादन - तुषार सोनवणे )

मुंबई परिसरातील बातम्यांचा आढावा घेण्यासाठी येथे क्लिक करा