मुंबई : एकतर्फी प्रेमप्रकरणातून १९ वर्षीय विद्यार्थ्यीनीचा औरंगाबादमध्ये चाकूने भोसकून खून करण्यात आल्याचा खळबळजनक प्रकार समोर आला आहे. याप्रकरणावर भाजपच्या नेत्या चित्रा वाघ यांनी ट्विट करुन या घटनेवर संताप व्यक्त केला आहे. शिवशाहीच्या नावानं राज्य कारभार करणाऱ्यांची ही हतबलता आहे, असं त्यांनी म्हटलं आहे. (Aurangabad Chitra Wagh angry over girl student murder case)
"औरंगाबादमध्ये एकतर्फी प्रेमातून विद्यार्थिनीचा खून केल्याची हादरवून टाकणारी घटना घडली आहे. त्या दुर्दैवी विद्यार्थिनीला २०० फूट ओढत नेल्याचा व्हिडिओ देखील समोर आला आहे. काय हे सुसंस्कृत महाराष्ट्राचे दुर्दैव आणि शिवशाहीच्या नावाने राज्यकारभार करणाऱ्यांची हतबलता…" अशा आशयाचं ट्विट करत ते राज्याचे गृहमंत्री दिलीप वळसे पाटील यांना टॅग करत सवाल विचारला आहे.
औरंगाबादेतील देवगिरी महाविद्यालयात ही विद्यार्थिनी बीए प्रथम वर्षाला शिकत होती. कॉलेजच्या परिसरात आलेल्या एका युवकाने तिला दोनशे फूट ओढत नेत चाकूने भोसकून हत्या केली. यापूर्वी युवक व विद्यार्थिनीमध्ये शाब्दिक वाद झाल्याचे सीसीटीव्ही फुटेजमध्ये पाहायला मिळत आहे. औरंगाबाद शहरात एकाच दिवशी दोन खून झाल्याने खळबळ माजली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.