ठाणे : ठाणे महापालिकेचा 2022-23 चा अर्थसंकल्प सादर करण्यासाठी बोलवण्यात आलेल्या ऑनलाईन बैठकीमधून कॉंग्रेसचे नगरसेवक विक्रांत चव्हाण, राष्ट्रवादीचे नगरसेवक हणमंत जगदाळे,सुहास देसाई तसेच भाजपचे नगरसेवक मिलिंद पाटणकर यांनी सभात्याग केला.

अर्थसंकल्पाची प्रत नगरसेवकांना मिळाली नाही तसेच अर्थसंकल्प हा ऑफलाईन घेण्यात यावी अशी मागणी या स्थायी समिती सदस्यांनी केली .मात्र या सर्व सदस्यांच्या सूचनाना न जुमानता अर्थसंकल्प ऑनलाईन सादर करण्यात आल्याने या सर्व सदस्यांनी ऑनलाईन बैठकीमधून सभात्याग केला.शिवसेनेचे सदस्य मात्र या ऑनलाईन सभेत उपस्थित राहिले.आयुक्तांचे अर्थसंकल्पाचे ऑनलाईन भाषण झाल्यानंतर सर्वाना अर्थसंकल्पाची प्रत देण्यात येईल असे आश्वासन सचिव अशोक बुरपुल्ले यांनी यावेळी दिले .