मुंबई:  सोशल मीडियावर आक्षेपार्ह पोस्ट केल्या प्रकरणात एका युवकाला मारहाण केल्या संबंधित प्रकरणात गृहनिर्माणमंत्री जितेंद्र आव्हाड यांच्या निवासस्थानातील गेल्या वर्षीच्या संपर्क तपशील नोंद ( सीडीआर) आणि ग्राहक तपशील नोंद (एसडीआर) परत मिळवण्यासाठी  टेलिकंपनीची मदत घेण्याचे निर्देश मुंबई उच्च न्यायालयाने मंगळवारी दिले.

तक्रारदार अनंत करमुसे यांनी केलेल्या याचिकेत संबंधित डेटा कायम ठेवण्यासाठी तातडीने उपाय करण्याची मागणी करण्यात आली. यासाठी मोबाईल कंपन्या निर्देश द्यायला हवे असे ही सांगण्यात आले. याप्रकरणी आरोपपत्र दाखल केले आहे, मात्र कॉल डाटा बाबत माहिती नाही, असे सरकारकडून सांगण्यात आले. गेल्या वर्षी एप्रिलमध्ये आव्हाड यांच्या निवासस्थानी हा प्रकार घडल्याचे तक्रारीमध्ये म्हटले आहे.

हेही वाचा- जान्हवी कुकरेजा हत्या प्रकरणी दोघांविरोधात आरोपपत्र दाखल

गेल्या वर्षी ८ एप्रिलला आव्हाड यांच्या ठाणे येथील बंगल्यावर त्यांच्या समर्थकांनी स्थापत्य अभियंत्याला  मारहाण केली होती. आव्हाड यांच्या उपस्थितीत ही मारहाण करण्यात आली होती. याप्रकरणी ठाणे पोलिसांनी पाच जणांविरुद्ध गुन्हा दाखल केला असला तरी आव्हाड यांना आरोपी केलेले नाही. त्यामुळे आव्हाड यांना आरोपी करण्याचे आदेश देण्याची आणि प्रकरणाचा तपास केंद्रीय अन्वेषण विभागाकडे (सीबीआय) सोपविण्याची मागणी स्थापत्य अभियंता अनंत करमुसे यांनी याचिकेद्वारे केली आहे.

मुंबई विभागातल्या ताज्या बातम्या वाचण्यासाठी येथे क्लिक करा.

न्यायमूर्ती एस. एस. शिंदे आणि न्यायमूर्ती मनीष पितळे यांच्या खंडपीठासमोर याप्रकरणी सुनावणी झाली. त्या वेळी युक्तिवाद करताना मारहाणीच्या घटनेला ८ एप्रिलला एक वर्ष पूर्ण होईल. त्यामुळे मारहाण झाल्याचा पुरावा असलेला सीडीआर आणि एसडीआर आपोआप नष्ट होईल. पोलिसांनी तो मिळवून जपून ठेवण्याची गरज असल्याचं याचिकाकर्त्याच्या वतीने अ‍ॅड्. आबाद पोंडा यांनी न्यायालयाला सांगितले. दरम्यान याप्रकरणी आरोपपत्र दाखल करण्यात आला असल्याची माहिती महाधिवक्ता आशुतोष कुंभकोणी यांनी न्यायालयाला दिली.

---------------------------------------

(संपादन- पूजा विचारे)

Bombay High Court ordered Subscriber Detail Record and call detail records of Jitendra Awhad