काँग्रेसचे राज्यसभा खासदार चंद्रकांत हांडोरे यांचे पुत्र गणेश हांडोरे यांना पोलिसांनी अटक केल्याची घटना समोर आली आहे. गणेश हंडोरे याने काल रात्री एक दुचाकी स्वराला कारने ऊडावून पळून गेल्याची घटना घडली होती.या घटनेनंतर गणेशला अटक करण्यात आली आहे.

मिळालेल्या माहितीनुसार, गणेश हंडोरे हा ज्यूस पिण्यासाठी गोवंडीच्या दिशेने गेला होता. मात्र परत येताना चेंबूर येथील आचार्य कॉलेज जवळ त्याने गोपाळ आरोटे या दुचाकी स्वराला धडक दिली आणि तिथून पळ काढला. या प्रकरणी गोवंडी पोलिसांनी गुन्हा दाखल करुन गणेश ला अटक केली आहे.

दरम्यान खासदारपुत्राची शुगर वाढल्याने त्याला जेजे रुग्णालयात उपचारासाठी दाखल करण्यात आले आहे. तर जखमी गोपाळ वर झेन रुग्णालयात उपचार सुरु आहेत. या प्रकरणी गोवंडी पोलिस पुढील तपास करीत आहेत.