काँग्रेसच्या महिला पदाधिकाऱ्यांनी उल्हासनगरात आगळ्यावेगळ्या हळदीकुंकाच्या कार्यक्रमाचे आयोजन करून त्यात विधवा महिलांना आमंत्रित त्यांनाही वाण देऊन त्यांचा सन्मान केला.यावेळी महिला भावूक झाल्या होत्या.

काँग्रेसचे जिल्हाध्यक्ष रोहित साळवे आणि माजी गटनेत्या अंजली साळवे यांच्या मार्गदर्शनाखाली काॅग्रेसच्या महिला अध्यक्षा मनीषा महाकाळे व निराधार निराश्रित व्यक्ती विकास विभाग अध्यक्षा प्राध्यापक सिंधू रामटेके यांच्या संकल्पनेतून सार्वजनिक हाॅल लालचक्की येथे महिला मेळावा व हळदीकुंकू समारंभाचे आयोजन करण्यात आले होते.

.कार्यक्रमाच्या सुरवातीला राजमाता जिजाऊ व क्रांतीज्योती सावित्रीबाई फुले यांच्या सह सर्व महानायीकांचे स्मरण करुन महिलांचे वेगवेगळ्या विषयांवर प्रबोधन करण्यात आले.तसेच संविधानाचे वाचन करून शपथ देण्यात आली.

महत्त्वाचे म्हणजे या हळदीकुंकू समारंभास विवाहित महिलांसोबत विधवा महिलांनाही आमंत्रित करण्यात आले होते व त्यांनाही वाण देऊन त्यांचा सन्मान करण्यात आला.याप्रसंगाने महिला अत्यंत भावूक झाल्या होत्या.सर्व महिलांनी झिम्मा व फुगडी खेळून आपला आनंद द्विगुणीत केला.

यावेळी यावेळी कॉग्रेसच्या महिला अध्यक्षा मनीषा महाकाळे,निराधार निराश्रित व्यक्ती विकास विभाग अध्यक्षा प्राध्यापक सिंधू रामटेके,माजी गटनेत्या अंजली साळवे,माजी मुख्याध्यापीका विजया मोरे,इनरव्हील क्लबच्या माजी अध्यक्षा टिना ठाकुर,

विशाल सोनावणे,संतोष मिंडे,दीपक सोनावणे,राकेश मिश्रा,अनिल यादव,अन्सार शेख,मंगेश हिवराळे,पुषोत्तम महाडिक जेष्ठ पदाधिकारी कमल वेलकुंडे,सचिव मालती गवई,कालिंदी गवई,विजया गाडे,सुधा जोगळेकर,मानसी पाटकर,मदीना शेख,मनीषा नगारे,कुसुम महाकाळे,संध्या महाकाळे,आशा कोलगे,मेघा कोलगे,दिपा महाकाळे,काजल महाकाळे यांच्यासोबत 950 महिला उपस्थित होत्या.