मुंबई : मुंबईतल्या चुनाभट्टी परिसरात अवैध गोमांस घेऊन येणाऱ्या ट्रकला (Truck)अडवल्याने तिथल्या जवळपास 40 जणांच्या जमावाने दोन प्राणिमित्रांवर हल्ला केला. आज सकाळी चुनाभट्टीतल़्या (Lime kiln)कसाईवाडा इथे ही घटना घडली. चुनाभट्टी पोलिसांनी याबात गुन्हा दाखल करुन 7 जणांना चौकशीसाठी ताब्यात घेतले आहे. रविवारी सकाळी चुनीभट्टी परिसरातल़्या कसाईवाडी इथे बेकायदेशिर गोमांस विक्रीसाठी येणार असल्याची माहीती पशु कल्याण अधिकारी आशिष बारिक आणि प्रतिक नन्नावरे यांना मिळाली होती़.

त्यांनी ही बाब चुनाभट्टी पोलिस स्टेशनला कळवली, आणि छापा टाकण्यासाठी सोबत येण्याची विनंती केली. त्यानुसार रविवारी पहाटे दोन पोलिस कर्मचाऱ्यांसह आशिष बारिक आणि पर्तिक नन्नावरे कलाईवाडीत पोलिसांच्या गाडीतुनच पोहोचले. माहीती मिळालेला ट्रक जसा कसाईवाड्यात आला आणि पोलिस आणि दोघे प्राणिमित्र त्या ट्रकला थांबवायला गेले, अचानक एक मोठा जमाव त्यांच्या दिशेने आला आणि पोलिसांना बाजूला ढकलून आशिष आणि प्रतिक यांच्यावर हल्ला केला़. आशिष यांच्या डोक्यात लोखंडी सळईने वार केल्याने त्यांना गंभीर जखम झाली, तर प्रतिक यांच्या पाठीवर वार केल्याने त्यांच्याही पाठीला गंभीर इजा झाली. आशिष बारिक यांना उपचारासाठी सायन रुग्णालयात दाखल करण्यात आले आहे. चुनाभट्टी पोलिसांनी दिलेल्या माहीतीनुसार घटनेनंतर पोलिसांनी गुन्हा दाखल केला असुन 7 जणांना चौकशीसाठी ताब्यात घेतले आहे.(Mumbai latest news)