नालासोपारा : घरासमोर उभे राहून गोंधळ करणाऱ्यांना शांत राहण्यास सांगितल्याच्या रागातून नालासोपाऱ्यात अंध व्यक्तीची हत्या करून फरार झालेल्या आरोपीच्या मुसक्‍या आवळण्यात तुलिंज पोलिसांना यश आले आहे. यात दोन जणांना अटक केले असून त्यांच्यावर हत्येचा गुन्हा दाखल करण्यात आला आहे. 

हेही वाचाः  मुंबईजवळ असलेल्या 'या' जिल्ह्याची कोरोनामुक्तीच्या दिशेनं वाटचाल

मुकेश सुलपतबहार असे हत्या झालेल्या अंध व्यक्तीचे नाव आहे. तर उमेश प्रकाश जोशी (वय 26) आणि प्रदीप शांताराम पानकर (वय 29) असे हत्या करणाऱ्या आरोपीचे नाव आहेत. उमेश जोशी हा नालासोपारा मोरगाव तर प्रदीप हा विरार पूर्व कारगिल नगरचा रहिवाशी आहे. 28 जुलै रोजी नालासोपारा पूर्व मोरगाव जिजाईनगर जेसीका चाळ येथे राहणारा मयत मुकेश सुलपटबहार यांच्या घरासमोर दारू पिऊन गोंधळ घालत होते.

अधिक वाचाः  अमृताबाई फडणवीस...माजी पोलिस अधिकाऱ्याचं खुलं पत्र, वाचा संपूर्ण पत्र

यावेळी मुकेश आणि त्यांची पत्नी ललिता यांनी या दोघांना गोंधळ घालू नका असे सांगितले. एवढ्याच किरकोळ कारणावरून या दोघांनी या दांपत्याला लाथाबुक्‍यांनी मारहाण करून त्यांच्यावर ब्लेडने वार केले. यात अंध मुकेश गंभीर जखमी झाला होता. रुग्णालयात उपचारादरम्यान त्याचा दोन दिवसाने मृत्यू झाला होता. तुलिंजचे वरिष्ठ पोलिस निरीक्षक डी. एस. पाटील यांनी वरिष्ठच्या मार्गदर्शनाखाली स्थानिक गुन्हे प्रकटीकरण शाखेची टीम तपासासाठी पाठवून आठ दिवसांच्या आत या गुन्ह्याचा उकल करण्यात यश मिळविले. अटकेतील दोन्ही आरोपींनी आपल्या गुन्ह्याची कबुली दिली असल्याचे तापासाधिकाऱ्यांनी सांगितले. 

(संपादन : वैभव गाटे)

death of blind man in nalasopara read full story