मुंबई: विधान परिषदेचे विरोधी पक्षनेते देवेंद्र फडणवीस यांनी आज दादरमध्ये 
क्रिकेट स्पर्धेचे उद्घाटन केलं. यावेळी त्यांच्यासोबत आमदार कालिदास कोळंबळकर ही उपस्थित होते. या उद्घाटनानंतर फडणवीस यांनी प्रसारमाध्यमांशी संवाद साधला. यावेळी बोलताना ते म्हणाले की, बॅटिंग करायला मिळाल्यावर अधिक मजा येते. 

पुढे बोलताना ते म्हणाले की, क्रिकेट खेळताना नेहमीच मजाच येते आणि विशेषत: बॅटिंग करायला मिळाली तर त्यात अजून मजा येते. मी लहानपणीही क्रिकेट खेळायचो. बॅटिंग आणि बॉलिंगही करायचो. मात्र फिल्डिंग मात्र क्वचितच करायचो. पण ज्यावेळी मी फ्लिडिंग करायचो त्यावेळी माझ्याकडून कॅच कधीच सुटायची नाही. 

माझं ठरलं आहे मी वेगवान बॉलिंगही करणार आहे. मी गुगलीही करणार आहे.  बॅटिंगलाही शॉट देखील मारणार आहे. आता सध्याच्या परिस्थितीमध्ये इतके लूझ बॉल मला मिळत आहेत. त्यामुळे ते बॉल मला सीमा रेषेपुढे पाठवावेच लागतात, असंही ते मिश्किलपणे म्हणालेत. 

मी बॉडी लाईन बॉलिंग करत नाही. मी अतिशय लॉजिकल योग्य अशाप्रकराचा बॉल असतो. म्हणूनच मला असं वाटतं की, समोरच्यांना बॅटिंग करताना तो बॉल खेळताना थोडी अडचण होते, असं म्हणत फडणवीसांनी नाव न घेता सरकारला टोला लगावला आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

फडणवीस यांनी रश्मी शुक्ला प्रकरणावरही आपली प्रतिक्रिया दिली आहे. फडणवीस म्हणाले की, माझा सवाल असा आहे की, चौकशी कोणाची केली पाहिजे ज्यांनी चोरी पकडली, की त्यांची केली ज्यांनी चोरी केली त्यांची. ज्यांनी चोरी केली त्यांना आम्ही मोकाट सोडू आणि का बरं पकडलं याकरिता आम्ही चौकशी करु. हा काही जो सरकारचा न्याय आहे. यातूनच हे सरकार कोणाला पाठिंशी घालतंय. हे स्प्ष्ट पणे दिसंतय, असं ते म्हणालेत. 

तसंच खरंतरं जे संवाद आहेत. जे व्यवहार झालेले आहेत. जी हफ्तेखोरी झालेली आहे. या ठिकाणी जे रॅकेट तयार झालेलं आहे. त्याच्यावर कारवाई करण्याची मानसिकता या सरकारची नाही. रॅकेट बाहेर काढणाऱ्यांवर हे सरकार कारवाई करत असल्याचीही टीका फडणवीस यांनी केली आहे. 

हेही वाचा- मनसुख हत्या प्रकरण: एनआयए करणार 'या' मोठ्या व्यक्तींची DNA टेस्ट

Devendra Fadnavis Dadar today Inaugurated cricket tournament