मुंबई - आपल्या नवजात मुलाचा मृतदेह वांद्रे खाडीत फेकणाऱ्या महिलेसह पुरुषाला वांद्रे पोलिसांकडून अटक करण्यात आली आहे. गर्भधारणा लपविण्यासाठी महिलेने कृत्य केल्याचे तपासात समोर आले आहे. आरोपी 34 वर्षीय महिला मुंबईतील वरळी कोळीवाडा परिसरात वास्तव्यास होती.

या प्रकरणी आरोपी महिला आणि पुरुषाचे अनैतिक संबंध होते. त्यातून महिलेची गर्भधारणा झाली होती. परंतु महिलेने आपल्या पोटात कर्करोगाची गाठ असल्याचे सांगून तिने आपली गर्भधारणा लपवत होती.

सोमवारी रात्री 9 च्या सुमारास आरोपी महिलेच्या राहत्या ठिकाणी मुलाला जन्म दिला. तिच्या पोटात गाठ फुटल्याचे महिलेने इतरांना सांगत तिने रुग्णालयात जाण्यास नकार दिला. त्यानंतर नवजात अर्भकाचा मृतदेह पिशवीत गुंडाळत आरोपी प्रियकराच्या सूचनेनुसार नवजात बालकाचा मृतदेह वांद्रे खाडीत फेकून दिला.

या प्रकरणी शेजाऱ्यांना संशय आल्याने पोलिसाना या प्रकरणी तक्रार करण्यात आली. बुधवारी महिलेची पोलिस चौकशीनंतर तिच्यावर आणि आरोपीवर गुन्हा दाखल करून अटक करण्यात आली.