मुंबई : पर्यावरणपूरक (environment supporting) आणि सजीव साखळीत महत्वाची भूमिका बजावणारे दुर्मिळ भारतीय प्रजातींचे दहा हजार वृक्ष ( Indian trees) उत्तर मुंबईत (north Mumbai) लावण्याचा संकल्प युवासेनेतर्फे (Yuvasena) सोडण्यात आला आहे. युवासेना कार्यकारिणी सदस्य सिद्धेश कदम (siddhesh kadam) यांच्या पुढाकाराने होत असलेल्या या उपक्रमास नुकतीच मान्यवरांच्या हस्ते वृक्षारोपण (tree plantation) करून सुरुवात झाली. सामान्यतः आपल्याकडे पटकन वाढणारी व मोठी दिसणारी परदेशी निरुपयोगी झाडे लावण्याकडे सर्वांचा कल असतो. (environment supporting-Indian trees-Yuvasena-siddhesh kadam-tree plantation-nss91)

मात्र त्याला फळे फार नसल्याने पशू-पक्ष्यांसाठी ती निरुपयोगी ठरतात, तसेच काही प्रकारची परदेशी झाडे भूगर्भातील पाणीही पटकन संपवतात आणि मातीही निकृष्ट करतात. मात्र युवासेनेतर्फे कैलासपती, जारुळ, पंखा या दुर्मिळ झाडांबरोबरच जांभूळ, वड-पिंपळ, आवळा, चिंच अशी उपयुक्त झाडेही लावली जातील. नुकतीच महापौर किशोरी पेडणेकर, आमदार प्रकाश सुर्वे, नगरसेविका संजना घाडी, रिद्धी खुरसंगे आदींच्या उपस्थितीत या उपक्रमास सुरुवात झाली. मुंबई प्रदूषणमुक्त राहण्यासाठी अशा मोठ्या वृक्षमोहिमेची गरज आहे, अशा शब्दांत महापौरांनी या मोहिमेचे स्वागत केले. एक ते दोन महिन्यांत वृक्षारोपण पूर्ण केले जाईल, असे सिद्धेश कदम यांनी सांगितले.