राज्याचे माजी मुख्यमंत्री देवेंद्र फडणवीस (Devendra Fadnavis) यांच्या पत्नी अमृता फडणवीस Amruta Fadnavis या सोशल मीडियावर नेहमीच चर्चेत असतात. आताही त्या त्यांच्या अजब वक्तव्यामुळे चर्चेत आल्या आहेत. त्यांनी मुंबईतील वाढत्या वाहतूक कोंडीमुळे मुंबईमध्ये घटस्फोट वाढल्याचा अजब तर्क अमृता फडणवीस यांनी काढला आहे. त्यामुळे त्यांच्यावर आता सोशल मीडियावरुन टीकेला सुरुवातही झाली आहे. त्यावर मुंबईच्या महापौर किशोरी पेडणेकर यांनी आपल्या शैलीत मिसेस फडणवीस यांचे कान टोचले आहे. काय म्हणाल्या मिसेस फडणवीस हे आपण पाहणार आहोत.

मी एक सामान्य नागरिक म्हणून बोलत आहे. मी जेव्हा घराच्या बाहेर पडते तेव्हा सगळीकडे खड्डे दिसतात. आपल्या फॅमिलीला वेळ देता येत नाही. अशावेळी कुणी काहीही बोलायला तयार नाही. सामान्य नागरिक म्हणून मला यागोष्टीचे नवल वाटते. म्हणून मुंबईमध्ये तीन टक्के घटस्फोट झाले आहेत. अशी प्रतिक्रिया फडणवीस यांनी दिली आहे. त्यावर मुंबईच्या महापौर किशोरी पेडणेकर यांनी दिली आहे. त्यांनी आपण ऐकावं ते नवलं असं म्हटलं आहे. गेल्या काही दिवसांपासून अमृता फडणवीस यांनी अशाप्रकारचे वक्तव्य करुन लक्ष वेधून घेतल्याचे दिसून आले आहे.

यापूर्वी अमृता फडणवीस यांनी कॉग्रेसच्या प्रदेशाध्यक्षांवर गंभीर टीका केल्याचे दिसून आले होते. त्यामध्ये वादग्रस्त प्रतिक्रिया देऊन अमृता यांनी अनेकांचे लक्ष वेधून घेतले होते. एका कार्यक्रमानंतर पत्रकारांनी अमृता यांना घेराव घातला. आणि त्यांना वेगवेगळ्या प्रश्नांवर बोलते केले. त्यावेळी अमृता यांनी दिलेली प्रतिक्रिया आता चर्चेत आली आहे.