मुंबई: खेळत असताना ड्रममध्ये (drum) पडल्याने एका चार वर्षाच्या मुलाचा दुर्देवी मृत्यू (boy death) झाला. देवांश घाटविसावे असे या मृत मुलाचे नाव आहे. चेंबूरच्या नालंदानगर (chembur) परिसरात ही घटना घडली. दुपारच्या सुमारास देवांश हा ड्रम जवळ खेळत होता. खेळता, खेळता देवांश वाकून ड्रममधील पाण्याला (water) हात लावण्याचा प्रयत्न करत असताना, त्याचा तोल गेला आणि तो ड्रममध्ये पडला.

ड्रममध्ये उलटा पडलेल्या देवांशला स्वत:च्या बचावासाठी हालचाल करता आली नाही, तसेच घरातली एकही व्यक्ती त्यावेळी जवळ नव्हती. अन्यथा त्याचे प्राण वाचवता आले असते.

घरातल्यांना हा प्रकार लक्षात आल्यानंतर त्यांनी देवांशला ड्रम बाहेर काढून, सायन रुग्णालयात नेले. पण तो पर्यंत उशीर झाला होता. रुग्णालयातील डॉक्टारांनी तपासल्यानंतर देवांशला मृत घोषित केले.