मुंबई : दाऊदचा विश्वासू फहिम मचमचच्या हस्तकाला भायखळा (Byculla) येथून अटक करण्यात गुन्हे शाखेच्या पोलिसांना (Mumbai Police) यश आले आहे. अनिकेत उनवणे (29) असे आरोपीचे नाव आहे. आरोपी डोंगरी (Dongari) येथील एका व्यावसायिकाला मारण्यासाठी आला होता. त्याच्याकडून अग्निशस्त्रासह पाच जिवंत काडतुस जप्त करण्यात आल्याची माहिती पोलिसांनी दिली. भायखळा येथील घोडपदेव येथील बिल्मिल्ला हॉटेलसमोर संशयीत येणार असल्याची माहिती गुन्हे शाखेला (Crime Branch) मिळाली होती. त्यानुसार सापळा रचून आरोपीला अटक करण्यात आली आहे. दक्षिण मुंबईतील (South Mumbai) व्यावसायिकांना धमकण्याची जबाबदारी त्याच्यावर सोपवण्यात आली होती. तो पाकिस्तानात (Pakistan) वास्तव्याला असलेल्या फहिम मचमचच्या संपर्कात असल्याची माहिती उघड झाली आहे. याप्रकरणी पोलिस अधिक तपास करत आहेत. ( Gangster Fahim machmach supportive Aniket unavane arrested by mumbai police-nss91)