डोंबिवली : गणेशोत्सवावर (ganpati festival) कोरोनाचे सावट (corona) यंदाही आहे. लॉकडाउनमुळे (lockdown) आर्थिक संकटात (finance issue) सापडलेल्या गणेश भक्तांना (ganesha prayers) घरगुती गणेशोत्सव आनंदात साजरा करता यावा म्हणून शिवसेनेचे खासदार डॉ. श्रीकांत शिंदे (dr shrikant shinde) यांनी यंदा गणेश भक्तांना अवघ्या 101 गणेश मूर्ती देण्याचा निर्णय घेतला आहे. डोंबिवली (dombivali) शिवसेना शहर शाखेच्या वतीने हा उपक्रम डोंबिवलीत राबविला जाणार आहे.

कोरोनाकाळात लॉकडाऊनमुळे अनेक नागरिकांवर आर्थिक संकट ओढवले आहे. या आर्थिक संकटातून सावरत नाही तोच अतिवृष्टीतील पुरामुळे खाडी किनाऱ्यालगत राहणाऱ्या नागरिकांच्या घरात पाणी घुसून त्यांचे नुकसान झाले आहे. गणेशोत्सव जवळ आला असून हिंदू प्रथे परंपरेनुसार घरगुती गणेशोत्सव साजरा करणाऱ्या भक्तांना घरी गणेशाची स्थापना करावीच लागणार आहे.

कोरोना महामारीमुळे आर्थिक अडचणीत सापडलेल्या डोंबिवलीकर कुटुंबीयांना गणेशोत्सवाचा आनंद प्राप्त व्हावा या दृष्टिकोनातून एक सामाजिक बांधिलकी जपत डॉ. श्रीकांत शिंदे आणि शिवसेना डोंबिवली शहर शाखेच्या वतीने यंदा शाडूच्या व कागदाच्या लगद्याच्या गणपतीच्या 500 मूर्ती, सेवा म्हणुन अगदी नाममात्र अशा 101 रु. किमतीत देण्याचे ठरवले आहे. कोरोनाचे संकट पाहता यावर्षी गणेश भक्तांसाठी हा उपक्रम राबविण्यात येत आहे. प्रथम येणाऱ्या 500 भाविकांना नाममात्र 101 रुपयात गणेश मूर्ती दिल्या जाणार आहेत. शिवसेना डोंबिवली मध्यवर्ती शाखेत भाविकांनी संपर्क साधून आपल्या गणेशाची मूर्ती बुक करावी असे आवाहन डोंबिवली शहरप्रमुख राजेश मोरे यांनी दिली आहे.